ఐపీఎల్ ఫైనల్ కు నువ్వా నేనా?... ముంబైపై టాస్ గెలిచిన పంజాబ్ కింగ్స్

ఇండియన్ ప్రీమియర్ లీగ్ (ఐపీఎల్) 2025 సీజన్‌లో ఫైనల్ బెర్త్ కోసం జరుగుతున్న కీలకమైన క్వాలిఫైయర్ 2 మ్యాచ్‌లో పంజాబ్ కింగ్స్ టాస్ గెలిచింది. అహ్మదాబాద్‌లోని నరేంద్ర మోదీ స్టేడియంలో జరుగుతున్న ఈ మ్యాచ్‌లో పంజాబ్ కింగ్స్ కెప్టెన్ శ్రేయాస్ అయ్యర్ టాస్ గెలిచి బౌలింగ్ ఎంచుకున్నాడు. దీంతో ముంబై ఇండియన్స్ జట్టు మొదట బ్యాటింగ్ చేయనుంది. కాగా, ఈ మ్యాచ్ జరుగుతున్న అహ్మదాబాద్ లో కాసేపటి కిందట వర్షం పడడం ఆందోళన కలిగిస్తోంది.

ఈ మ్యాచ్ క్రికెట్ అభిమానుల్లో తీవ్ర ఉత్కంఠ రేపుతోంది. ఈ మ్యాచ్‌లో గెలిచిన జట్టు ఐపీఎల్ 2025 ఫైనల్‌కు చేరుకుంటుంది, ఓడిన జట్టు టోర్నమెంట్ నుంచి నిష్క్రమిస్తుంది. ఇరు జట్లు కూడా బలమైన ఆటగాళ్లతో బరిలోకి దిగుతుండటంతో హోరాహోరీ పోరు ఖాయంగా కనిపిస్తోంది.

జట్ల వివరాలు
పంజాబ్ కింగ్స్: ప్రియాంశ్ ఆర్య, జోష్ ఇంగ్లిస్ (వికెట్ కీపర్), శ్రేయాస్ అయ్యర్ (కెప్టెన్), నెహాల్ వధేరా, మార్కస్ స్టోయినిస్, శశాంక్ సింగ్, అజ్మతుల్లా ఒమర్జాయ్, కైల్ జేమీసన్, విజయ్‌కుమార్ వైశాఖ్, అర్ష్‌దీప్ సింగ్, యుజ్వేంద్ర చాహల్.

ముంబై ఇండియన్స్: రోహిత్ శర్మ, జానీ బెయిర్‌స్టో (వికెట్ కీపర్), సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), నమన్ ధీర్, మిచెల్ శాంట్నర్, రాజ్ బావా, ట్రెంట్ బౌల్ట్, జస్ప్రీత్ బుమ్రా, రీస్ టాప్లే.