ఓటీటీలో తమిళ ఇన్వెస్టిగేటివ్ థ్రిల్లర్!

ఇన్వెస్టిగేటివ్ థ్రిల్లర్ చిత్రాలకు ఓటీటీలో మంచి ఆదరణ లభిస్తూ ఉంటుంది. ఆ జోనర్లో దేవయాని చేసిన సినిమానే 'నిజార్ కుడై'. శివ ఆర్ముగం దర్శకత్వం వహించిన ఈ సినిమా, ఈ నెల 9వ తేదీన థియేటర్లకు వచ్చింది. విజిత్ .. కన్మణి మనోహర్ .. రాజ్ కపూర్ .. ఇళవరసు ఇతర ముఖ్యమైన పాత్రలను పోషించారు.  

థియటర్లో విడుదలైన 20 రోజులలోనే ఈ సినిమా ఓటీటీ ఫ్లాట్ ఫామ్ పైకి వచ్చేస్తోంది. ఈ నెల 30వ తేదీ నుంచి 'ఆహా తమిళ్ 'లో స్ట్రీమింగ్ చేయనున్నారు. అందుకు సంబంధించిన అధికారిక ప్రకటన వచ్చేసింది. ఈ సినిమాకి నరేన్ బాలకుమార్ సంగీతాన్ని అందించాడు. దేవయాని నటన వైపు నుంచి ఈ సినిమా మంచి మార్కులను తెచ్చుకుంది. 

కథ విషయానికి వస్తే .. నిరంజన్ - లాన్సీ ప్రేమించి పెళ్లి చేసుకుంటారు. వారి సంతానమే నీలా. చిన్నప్పటి నుంచి పాపకి ఆరోగ్య సమస్య ఉంటుంది. అందువలన జ్యోతి అనే కేర్ టేకర్ ను మాట్లాడుకుంటారు. అయితే ఓ రోజున హఠాత్తుగా పాప కనిపించకుండా పోతుంది. పాపకు ఏమౌతుంది? అందుకు కారకులు ఎవరు? నిరంజన్ దంపతులు ఏం చేస్తారు? అనేది కథ.