నూజివీడు కోర్టులో వల్లభనేని వంశీకి తీవ్ర నిరాశ

గన్నవరం మాజీ శాసనసభ్యుడు, వైసీపీ నేత వల్లభనేని వంశీకి న్యాయస్థానంలో మరోసారి నిరాశే ఎదురైంది. నకిలీ ఇళ్ల పట్టాల కేసుకు సంబంధించి ఆయన దాఖలు చేసుకున్న బెయిల్ పిటిషన్‌ను ఏలూరు జిల్లా నూజివీడు కోర్టు కొట్టివేసింది. ఈ కేసులో తనపై నమోదైన అభియోగాలను రద్దు చేయాలని కోరుతూ వంశీ ఈ పిటిషన్ దాఖలు చేశారు.

ఈ పిటిషన్‌పై నూజివీడు కోర్టులో విచారణ జరిగింది. ఇరు పక్షాల వాదనలను కోర్టు క్షుణ్ణంగా పరిశీలించింది. అనంతరం, వల్లభనేని వంశీ అభ్యర్థనను తోసిపుచ్చుతూ, బెయిల్ పిటిషన్‌ను కొట్టివేస్తున్నట్లు న్యాయమూర్తి తీర్పును ప్రకటించారు. నకిలీ ఇళ్ల పట్టాల కేసుకు సంబంధించి వల్లభనేని వంశీ ప్రస్తుతం విజయవాడ జైల్లో రిమాండ్ ఖైదీగా ఉన్నారు.