Sundar Pichai: వారిలో ఒకరే నన్ను 'డ్యాన్స్'కు ఆహ్వానించారు: సుందర్ పిచాయ్
టెక్నాలజీ ప్రపంచంలో ఆర్టిఫిషియల్ ఇంటెలిజెన్స్ (ఏఐ) ఆధిపత్యం కోసం దిగ్గజ సంస్థల మధ్య పోటీ రోజురోజుకు తీవ్రమవుతోంది. ఈ క్రమంలో, మైక్రోసాఫ్ట్ సీఈఓ సత్య నాదెళ్ల గతంలో చేసిన "గూగుల్ను డ్యాన్స్ చేయిస్తాం" అన్న వ్యాఖ్యలపై గూగుల్, ఆల్ఫాబెట్ సీఈఓ సుందర్ పిచాయ్ మరోసారి తనదైన శైలిలో స్పందించారు. 'ఆల్-ఇన్' పాడ్కాస్ట్లో పాల్గొన్న ఆయన, ఏఐ పోటీ వాతావరణం మరియు ప్రత్యర్థి సంస్థల అధినేతల గురించి ఆసక్తికర వ్యాఖ్యలు చేశారు.
ఏఐ రంగంలో ప్రముఖ కంపెనీల అధినేతలైన సామ్ ఆల్ట్మన్ (ఓపెన్ఏఐ), ఎలాన్ మస్క్ (ఎక్స్ఏఐ), మార్క్ జుకర్బర్గ్ (మెటా), సత్య నాదెళ్ల (మైక్రోసాఫ్ట్) వంటి వారి గురించి ప్రశ్నించగా, సుందర్ పిచాయ్ వారి ప్రతిభను కొనియాడారు. "వీరంతా గొప్ప పారిశ్రామికవేత్తలు. వారి వల్లే మరిన్ని ఆవిష్కరణలు సాధ్యమవుతాయి" అని అన్నారు. అనంతరం, "వారందరితో నాకు పరిచయం ఉండటం నా అదృష్టం. వారిలో ఒకరు మాత్రమే నన్ను 'డ్యాన్స్'కు ఆహ్వానించారు... మిగతావారు కాదు," అంటూ సత్య నాదెళ్ల వ్యాఖ్యలను ఉద్దేశిస్తూ చమత్కరించారు.
సత్య నాదెళ్ల 'డ్యాన్స్' వ్యాఖ్యలపై సుందర్ పిచాయ్ స్పందించడం ఇది మొదటిసారి కాదు. గత ఏడాది బ్లూమ్బెర్గ్కు ఇచ్చిన ఇంటర్వ్యూలో, మైక్రోసాఫ్ట్ ఏఐ ఆధారిత బింగ్తో దూకుడు ప్రదర్శించినప్పుడు గూగుల్ 'డ్యాన్స్' చేసిందా అన్న ప్రశ్నకు "ఎవరికోసమో మేం డ్యాన్స్ చేయం" అని పిచాయ్ స్పష్టం చేశారు. "మేం మా సొంత మార్గంలోనే పయనిస్తాం" అని గూగుల్ వ్యూహాన్ని నొక్కి చెప్పారు.
సత్య నాదెళ్ల ఏమన్నారంటే...!
అంతకుముందు, గూగుల్ సెర్చ్ మార్కెట్లో దీర్ఘకాలంగా ఆధిపత్యం చెలాయిస్తోందని సత్య నాదెళ్ల అంగీకరించారు. ఏఐ ఆధారిత బింగ్తో పోటీలో మార్పు వచ్చిందన్నారు. "సెర్చ్లో మరింత పోటీని తీసుకొచ్చాం. మా ఆవిష్కరణలతో, వారు కూడా డ్యాన్స్ చేయగలరని నిరూపించుకోవడానికి బయటకు వస్తారని ఆశిస్తున్నాను. మేం వారిని డ్యాన్స్ చేయించామని ప్రజలకు తెలియజేయాలనుకుంటున్నాను" అని సవాలు విసిరారు.
ఏఐ రంగంలో ప్రముఖ కంపెనీల అధినేతలైన సామ్ ఆల్ట్మన్ (ఓపెన్ఏఐ), ఎలాన్ మస్క్ (ఎక్స్ఏఐ), మార్క్ జుకర్బర్గ్ (మెటా), సత్య నాదెళ్ల (మైక్రోసాఫ్ట్) వంటి వారి గురించి ప్రశ్నించగా, సుందర్ పిచాయ్ వారి ప్రతిభను కొనియాడారు. "వీరంతా గొప్ప పారిశ్రామికవేత్తలు. వారి వల్లే మరిన్ని ఆవిష్కరణలు సాధ్యమవుతాయి" అని అన్నారు. అనంతరం, "వారందరితో నాకు పరిచయం ఉండటం నా అదృష్టం. వారిలో ఒకరు మాత్రమే నన్ను 'డ్యాన్స్'కు ఆహ్వానించారు... మిగతావారు కాదు," అంటూ సత్య నాదెళ్ల వ్యాఖ్యలను ఉద్దేశిస్తూ చమత్కరించారు.
సత్య నాదెళ్ల 'డ్యాన్స్' వ్యాఖ్యలపై సుందర్ పిచాయ్ స్పందించడం ఇది మొదటిసారి కాదు. గత ఏడాది బ్లూమ్బెర్గ్కు ఇచ్చిన ఇంటర్వ్యూలో, మైక్రోసాఫ్ట్ ఏఐ ఆధారిత బింగ్తో దూకుడు ప్రదర్శించినప్పుడు గూగుల్ 'డ్యాన్స్' చేసిందా అన్న ప్రశ్నకు "ఎవరికోసమో మేం డ్యాన్స్ చేయం" అని పిచాయ్ స్పష్టం చేశారు. "మేం మా సొంత మార్గంలోనే పయనిస్తాం" అని గూగుల్ వ్యూహాన్ని నొక్కి చెప్పారు.
సత్య నాదెళ్ల ఏమన్నారంటే...!
అంతకుముందు, గూగుల్ సెర్చ్ మార్కెట్లో దీర్ఘకాలంగా ఆధిపత్యం చెలాయిస్తోందని సత్య నాదెళ్ల అంగీకరించారు. ఏఐ ఆధారిత బింగ్తో పోటీలో మార్పు వచ్చిందన్నారు. "సెర్చ్లో మరింత పోటీని తీసుకొచ్చాం. మా ఆవిష్కరణలతో, వారు కూడా డ్యాన్స్ చేయగలరని నిరూపించుకోవడానికి బయటకు వస్తారని ఆశిస్తున్నాను. మేం వారిని డ్యాన్స్ చేయించామని ప్రజలకు తెలియజేయాలనుకుంటున్నాను" అని సవాలు విసిరారు.
