ట్రంప్ను చంపేస్తారా?.. ఎఫ్బీఐ మాజీ డైరెక్టర్ జేమ్స్ కామీ పోస్ట్పై దుమారం!
- ట్రంప్ హత్యకు కోడ్ భాషలో మాజీ ఎఫ్బీఐ డైరెక్టర్ జేమ్స్ కామీ పోస్ట్
- ‘86 47’ అంటూ ఇన్స్టాలో పోస్ట్ చేసి, డిలీట్ చేసిన కామీ
- కామీపై అమెరికా సీక్రెట్ సర్వీస్ దర్యాప్తు ప్రారంభం
- గతంలో ట్రంప్పై పలుమార్లు హత్యాయత్నాలు
అమెరికా మాజీ అధ్యక్షుడు డొనాల్డ్ ట్రంప్ హత్యకు కుట్ర జరుగుతోందా? ఎఫ్బీఐ మాజీ డైరెక్టర్ జేమ్స్ కామీ సోషల్ మీడియాలో చేసిన ఓ పోస్ట్ ఇప్పుడు ఇదే చర్చను లేవనెత్తింది. ఆయన సోషల్ మీడియా పోస్ట్ దుమారం రేపడంతో అమెరికా సీక్రెట్ సర్వీస్ సంస్థలు రంగంలోకి దిగి దర్యాప్తు ముమ్మరం చేశాయి. మరోవైపు, తన పోస్ట్ను తప్పుగా అర్థం చేసుకున్నారని కామీ వివరణ ఇచ్చారు.
జేమ్స్ కామీ తన ఇన్స్టాగ్రామ్ ఖాతాలో ‘86 47’ అనే అంకెలను పోస్ట్ చేసి, కొద్దిసేపటికే దానిని తొలగించారు. అయితే, ‘47వ అధ్యక్షుడిని చంపడం’ అనే అర్థం వచ్చేలా ఈ రహస్య కోడ్ ఉందని అధికారులు అనుమానిస్తున్నారు. ఈ వివాదాస్పద పోస్ట్పై అమెరికా సీక్రెట్ సర్వీస్ అధికారులు దర్యాప్తు చేస్తున్నారని హోంల్యాండ్ సెక్యూరిటీ కార్యదర్శి క్రిస్టి నోయెమ్ అధికారికంగా వెల్లడించారు.
ఈ ఆరోపణలపై జేమ్స్ కామీ స్పందించారు. తాను బీచ్లో నడుస్తున్నప్పుడు కనిపించిన కొన్ని గవ్వల (షెల్స్) చిత్రాన్ని పోస్ట్ చేశానని, ఆ పోస్ట్లోని అంకెలను అధికారులు తప్పుగా అన్వయించుకున్నారని తెలిపారు. ఆ అంకెలను కొందరు హత్యలకు సంకేతంగా ఉపయోగిస్తారనే విషయం తనకు తెలియదని స్పష్టం చేశారు. అమెరికా అధ్యక్షుడిని చంపాలనే ఉద్దేశం తనకు ఏమాత్రం లేదని, హింస అంటేనే తనకు ఇష్టం ఉండదని కామీ అన్నారు. తన పోస్ట్ వల్ల అనవసరమైన, అసంబద్ధమైన ఆరోపణలు వస్తుండటంతోనే దానిని తొలగించానని ఆయన వివరించారు.
కాగా, గతంలో డొనాల్డ్ ట్రంప్పై పలుమార్లు హత్యాయత్నాలు జరిగిన విషయం తెలిసిందే. గతేడాది అధ్యక్ష ఎన్నికల ప్రచార సమయంలో పెన్సిల్వేనియాలోని బట్లర్లో జరిగిన ఓ సభలో ఆయన ప్రసంగిస్తుండగా ఓ భవనంపై నుంచి దుండగుడు కాల్పులు జరిపాడు. ఈ ఘటనలో ట్రంప్ కుడి చెవికి స్వల్ప గాయమైంది. అమెరికా సీక్రెట్ సర్వీస్ సిబ్బంది అప్రమత్తమై ఆయనను సురక్షితంగా తరలించారు. ఆ తర్వాత ఫ్లోరిడాలోని వెస్ట్ పామ్బీచ్లో ట్రంప్ గోల్ఫ్ ఆడుతుండగా ఫెన్సింగ్ వద్దకు తుపాకీతో వచ్చిన ఓ వ్యక్తిని భద్రతా దళాలు గుర్తించి, కాల్పులు జరిపి అదుపులోకి తీసుకున్నాయి.
కొన్ని రోజుల అనంతరం ట్రంప్ పాల్గొన్న ఓ సమావేశానికి సమీపంలోని నేషనల్ కన్వెన్షన్ సెంటర్ వద్ద మాస్క్ ధరించిన సాయుధ వ్యక్తిని పోలీసులు అరెస్టు చేశారు. ఆ వ్యక్తి తన వీపున తగిలించుకున్న బ్యాగులో ఏకే-47 తుపాకీ, తూటాల మ్యాగజైన్ను కూడా పోలీసులు గుర్తించారు. ఈ వరుస ఘటనల నేపథ్యంలో ట్రంప్కు భద్రతను భారీగా పెంచినట్లు అధికారులు తెలిపారు. ఆయన చుట్టూ జరిగే అన్ని కార్యకలాపాలను వివిధ రహస్య సేవా ఏజెన్సీలు నిరంతరం పర్యవేక్షిస్తున్నాయి. తాజా ఘటనతో భద్రతా ఏర్పాట్లను మరింత కట్టుదిట్టం చేసే అవకాశం ఉంది.
జేమ్స్ కామీ తన ఇన్స్టాగ్రామ్ ఖాతాలో ‘86 47’ అనే అంకెలను పోస్ట్ చేసి, కొద్దిసేపటికే దానిని తొలగించారు. అయితే, ‘47వ అధ్యక్షుడిని చంపడం’ అనే అర్థం వచ్చేలా ఈ రహస్య కోడ్ ఉందని అధికారులు అనుమానిస్తున్నారు. ఈ వివాదాస్పద పోస్ట్పై అమెరికా సీక్రెట్ సర్వీస్ అధికారులు దర్యాప్తు చేస్తున్నారని హోంల్యాండ్ సెక్యూరిటీ కార్యదర్శి క్రిస్టి నోయెమ్ అధికారికంగా వెల్లడించారు.
ఈ ఆరోపణలపై జేమ్స్ కామీ స్పందించారు. తాను బీచ్లో నడుస్తున్నప్పుడు కనిపించిన కొన్ని గవ్వల (షెల్స్) చిత్రాన్ని పోస్ట్ చేశానని, ఆ పోస్ట్లోని అంకెలను అధికారులు తప్పుగా అన్వయించుకున్నారని తెలిపారు. ఆ అంకెలను కొందరు హత్యలకు సంకేతంగా ఉపయోగిస్తారనే విషయం తనకు తెలియదని స్పష్టం చేశారు. అమెరికా అధ్యక్షుడిని చంపాలనే ఉద్దేశం తనకు ఏమాత్రం లేదని, హింస అంటేనే తనకు ఇష్టం ఉండదని కామీ అన్నారు. తన పోస్ట్ వల్ల అనవసరమైన, అసంబద్ధమైన ఆరోపణలు వస్తుండటంతోనే దానిని తొలగించానని ఆయన వివరించారు.
కాగా, గతంలో డొనాల్డ్ ట్రంప్పై పలుమార్లు హత్యాయత్నాలు జరిగిన విషయం తెలిసిందే. గతేడాది అధ్యక్ష ఎన్నికల ప్రచార సమయంలో పెన్సిల్వేనియాలోని బట్లర్లో జరిగిన ఓ సభలో ఆయన ప్రసంగిస్తుండగా ఓ భవనంపై నుంచి దుండగుడు కాల్పులు జరిపాడు. ఈ ఘటనలో ట్రంప్ కుడి చెవికి స్వల్ప గాయమైంది. అమెరికా సీక్రెట్ సర్వీస్ సిబ్బంది అప్రమత్తమై ఆయనను సురక్షితంగా తరలించారు. ఆ తర్వాత ఫ్లోరిడాలోని వెస్ట్ పామ్బీచ్లో ట్రంప్ గోల్ఫ్ ఆడుతుండగా ఫెన్సింగ్ వద్దకు తుపాకీతో వచ్చిన ఓ వ్యక్తిని భద్రతా దళాలు గుర్తించి, కాల్పులు జరిపి అదుపులోకి తీసుకున్నాయి.
కొన్ని రోజుల అనంతరం ట్రంప్ పాల్గొన్న ఓ సమావేశానికి సమీపంలోని నేషనల్ కన్వెన్షన్ సెంటర్ వద్ద మాస్క్ ధరించిన సాయుధ వ్యక్తిని పోలీసులు అరెస్టు చేశారు. ఆ వ్యక్తి తన వీపున తగిలించుకున్న బ్యాగులో ఏకే-47 తుపాకీ, తూటాల మ్యాగజైన్ను కూడా పోలీసులు గుర్తించారు. ఈ వరుస ఘటనల నేపథ్యంలో ట్రంప్కు భద్రతను భారీగా పెంచినట్లు అధికారులు తెలిపారు. ఆయన చుట్టూ జరిగే అన్ని కార్యకలాపాలను వివిధ రహస్య సేవా ఏజెన్సీలు నిరంతరం పర్యవేక్షిస్తున్నాయి. తాజా ఘటనతో భద్రతా ఏర్పాట్లను మరింత కట్టుదిట్టం చేసే అవకాశం ఉంది.