ప్రాణాంతక బ్లడ్ క్యాన్సర్తో పోరాడుతున్న టెన్త్ స్టేట్ ర్యాంకర్
- ఛత్తీస్గఢ్ పదో తరగతి ఫలితాల్లో ఇషికా బాలా ప్రథమ స్థానం
- 99.17 శాతం మార్కులు సాధించిన వైనం
- ఏడాదిపాటు చదువుకు దూరమైనా తల్లిదండ్రుల ప్రోత్సాహంతో మళ్లీ పుస్తకాలు పట్టిన ఇషికా
- ప్రభుత్వ పథకం ద్వారా ఆదుకుంటామని జిల్లా విద్యాధికారి హామీ
ఛత్తీస్గఢ్లో ఇటీవల వెలువడిన పదో తరగతి పరీక్షల ఫలితాల్లో అద్భుత ప్రతిభ కనబరిచి రాష్ట్రస్థాయిలో ప్రథమ స్థానంలో నిలిచిన ఓ విద్యార్థిని, ప్రాణాంతక బ్లడ్ క్యాన్సర్తో పోరాడుతోంది. చదువులో అత్యుత్తమ ప్రతిభ చూపిన ఇషికా బాలా ప్రస్తుతం తన ప్రాణాలతో పోరాడుతోంది. ఆమె మెరుగైన చికిత్స కోసం ప్రభుత్వం సహాయం అందించాలని కుటుంబ సభ్యులు వేడుకుంటున్నారు.
కాంకేర్ జిల్లాకు చెందిన ఇషికా బాలా బ్లడ్ క్యాన్సర్ కారణంగా ఏడాది పాటు చదువుకు దూరమైంది. అయినప్పటికీ, మొక్కవోని ధైర్యంతో తల్లిదండ్రులు, ఉపాధ్యాయుల నిరంతర ప్రోత్సాహంతో తిరిగి పుస్తకాలు పట్టింది. అనారోగ్యంతో బాధపడుతున్నప్పటికీ ఛత్తీస్గఢ్ సెకండరీ బోర్డు నిర్వహించిన పరీక్షల్లో 99.17 శాతం మార్కులు సాధించి అందరినీ ఆశ్చర్యపరిచింది. భవిష్యత్తులో ఐఏఎస్ అధికారి కావాలన్నదే తన ఆశయమని ఇషిక ధీమాగా చెబుతోంది.
ఇషిక తండ్రి శంకర్ ఒక సాధారణ రైతు. ఇప్పటికే తమ కుమార్తె చికిత్స నిమిత్తం ఆయన దాదాపు రూ.15 లక్షలకు పైగా వెచ్చించారు. ఆర్థికంగా చితికిపోయిన ఆ కుటుంబం తమ కుమార్తె ప్రాణాలు కాపాడుకునేందుకు దాతల సహాయం కోసం ఎదురుచూస్తోంది. ఈ విషయం తెలుసుకున్న జిల్లా విద్యాశాఖాధికారి అశోక్ కుమార్ పటేల్ స్పందించారు. ప్రధానమంత్రి స్వాస్థ్య సహాయత యోజన ద్వారా ఇషిక వైద్యానికి అవసరమైన తోడ్పాటును అందించేందుకు చర్యలు తీసుకుంటామని ఆయన హామీ ఇచ్చారు. ప్రభుత్వం నుంచి సకాలంలో సహాయం అంది, ఇషిక సంపూర్ణ ఆరోగ్యంతో తన లక్ష్యాన్ని చేరుకోవాలని పలువురు ఆకాంక్షిస్తున్నారు.
కాంకేర్ జిల్లాకు చెందిన ఇషికా బాలా బ్లడ్ క్యాన్సర్ కారణంగా ఏడాది పాటు చదువుకు దూరమైంది. అయినప్పటికీ, మొక్కవోని ధైర్యంతో తల్లిదండ్రులు, ఉపాధ్యాయుల నిరంతర ప్రోత్సాహంతో తిరిగి పుస్తకాలు పట్టింది. అనారోగ్యంతో బాధపడుతున్నప్పటికీ ఛత్తీస్గఢ్ సెకండరీ బోర్డు నిర్వహించిన పరీక్షల్లో 99.17 శాతం మార్కులు సాధించి అందరినీ ఆశ్చర్యపరిచింది. భవిష్యత్తులో ఐఏఎస్ అధికారి కావాలన్నదే తన ఆశయమని ఇషిక ధీమాగా చెబుతోంది.
ఇషిక తండ్రి శంకర్ ఒక సాధారణ రైతు. ఇప్పటికే తమ కుమార్తె చికిత్స నిమిత్తం ఆయన దాదాపు రూ.15 లక్షలకు పైగా వెచ్చించారు. ఆర్థికంగా చితికిపోయిన ఆ కుటుంబం తమ కుమార్తె ప్రాణాలు కాపాడుకునేందుకు దాతల సహాయం కోసం ఎదురుచూస్తోంది. ఈ విషయం తెలుసుకున్న జిల్లా విద్యాశాఖాధికారి అశోక్ కుమార్ పటేల్ స్పందించారు. ప్రధానమంత్రి స్వాస్థ్య సహాయత యోజన ద్వారా ఇషిక వైద్యానికి అవసరమైన తోడ్పాటును అందించేందుకు చర్యలు తీసుకుంటామని ఆయన హామీ ఇచ్చారు. ప్రభుత్వం నుంచి సకాలంలో సహాయం అంది, ఇషిక సంపూర్ణ ఆరోగ్యంతో తన లక్ష్యాన్ని చేరుకోవాలని పలువురు ఆకాంక్షిస్తున్నారు.