రాజ్ కసిరెడ్డిని అదుపులోకి తీసుకున్న ఏపీ సిట్ పోలీసులు

ఏపీ లిక్కర్ స్కాం కేసులో సంచలన పరిణామం చోటుచేసుకుంది. ఈ  కేసులో అత్యంత కీలక నిందితుడిగా ఉన్న రాజ్ కసిరెడ్డిని పోలీసులు అదుపులోకి తీసుకున్నారు. హైకోర్టులో ముందస్తు బెయిల్ పిటిషన్ విచారణకు సమయం పట్టేట్టు ఉండడంతో రేపు సిట్ విచారణకు హాజరవుతున్నానని రాజ్ కసిరెడ్డి స్వయంగా వెల్లడించిన కాసేపటికే, అతడిని పోలీసులు అదుపులోకి తీసుకోవడం గమనార్హం. 

ఏపీ సిట్ పోలీసులు అతడిని హైదరాబాదులోని శంషాబాద్ ఎయిర్ పోర్టులో అదుపులోకి తీసుకున్నారు. రాజ్ కసిరెడ్డి గోవా నుంచి ఇండిగో విమానంలో హైదరాబాద్ రాగా, పోలీసులు పక్కా సమాచారంతో అతడిని పట్టుకున్నానారు.రు ఏపీ పోలీసులు రాజ్ కసిరెడ్డిని కాసేపట్లో విజయవాడ తీసుకురానున్నారు.