రీల్ చేస్తున్నాడని తెలియక కుర్రాడికి బడితపూజ చేసిన పెద్దాయన... వీడియో వైరల్
- వికటించిన రీల్ షూటింగ్
- కుర్రాడు అమ్మాయిని ఏడిపిస్తున్నాడని భావించిన వృద్ధ దంపతులు
- కారులోంచి కర్ర తీసి కుర్రాడ్ని ఉతికారేసిన వృద్ధుడు
ఇంతకీ ఏం జరిగిందంటే... ఓ కుర్రాడు... ఓ అమ్మాయి పక్కన నిల్చుని టీజ్ చేస్తున్నట్టుగా అభినయిస్తున్నాడు. ఇదంతా రీల్స్ లో భాగమే. కానీ, అదే సమయంలో అటుగా వచ్చిన ఓ వృద్ధ దంపతులు ఆ అబ్బాయి నిజంగానే అమ్మాయిని ఏడిపిస్తున్నాడని భావించి ఆగ్రహానికి గురయ్యారు.
వెంటనే ఆ పెద్దాయన తన కారులోంచి ఓ కర్ర తీసుకుని కుర్రాడికి బడితపూజ చేశాడు. నడిరోడ్డుపై అందరూ చూస్తుండగా ఉతికారేశాడు. చివరికి ఆ కుర్రాడ్ని పెద్దాయన తన్నడమే ఒక రియల్ రీల్ అయింది. చుట్టూ ఉన్నవాళ్లు తమ సెల్ ఫోన్లలో ఈ తతంగాన్ని వీడియో తీశారు. ప్రస్తుతం సోషల్ మీడియాలో ఈ వీడియో వైరల్ అవుతోంది.
