రూ.1,029 రీఛార్జ్ ప్లాన్ని అప్డేట్ చేసిన జియో.. మార్పు ఇదే
- కొత్తగా అమెజాన్ ప్రైమ్ లైట్ని జోడించిన దేశీయ టెలికం దిగ్గజం
- మొబైల్తో పాటు టీవీకి కూడా కనెక్టివిటీ వర్తింపు
- ఓటీటీ ఎంటర్టైన్మెంట్ కోరుకునేవారికి రూ.1029 ఆకర్షణీయమైన ప్లాన్
కాగా ఓటీటీ ఫ్లాట్ఫామ్ల ఎంటర్టైన్మెంట్ ప్యాక్ను కోరుకునేవారికి రూ.1029 ప్లాన్ చక్కటి ఆఫర్. ఈ ప్లాన్ వ్యాలిడిటీ 84 రోజులుగా ఉంది. అపరిమిత ఉచిత కాలింగ్, ప్రతి రోజు 100 ఉచిత మెసేజులు పొందొచ్చు. ప్రతి రోజు 2 జీబీల హైస్పీడ్ డేటాను పొందవచ్చు. అంతేకాదు కస్టమర్ ఉన్న ప్రాంతంలో 5జీ కనెక్టివిటీ ఉంటే అపరిమిత 5జీ డేటాను కూడా ఉపయోగించుకోవచ్చు.
కాగా జులై నెలలో జియో తన రీఛార్జ్ ప్లాన్ల ధరలను పెంచిన విషయం తెలిసిందే. జియోతో పాటు ఎయిర్టెల్, వీఐ (వొడా ఐడియా) కూడా టారీఫ్ రేట్లను పెంచాయి. దీంతో చాలా మంది కస్టమర్లు ప్రభుత్వరంగ బీఎస్ఎన్ఎల్ వైపు చూస్తున్నారు. దీంతో కస్టమర్లను నిలుపుదల చేసుకోవడంలో భాగంగా ప్రభుత్వ టెలికం కంపెనీలు రీఛార్జ్ ప్లాన్లను ఆకర్షణీయంగా మార్చుతున్నాయి.
