ల్యాండ్ అవుతూ కుప్పకూలిన హెలికాప్టర్.. త్రుటిలో బయటపడిన శివసేన (యూబీటీ) నేత.. వీడియో ఇదిగో!

శివసేన (యూబీటీ) నాయకురాలు సుష్మా అందారే త్రుటిలో పెను ప్రమాదం నుంచి బయటపడ్డారు. ఆమెను ఎక్కించుకునేందుకు వచ్చిన హెలికాప్టర్ ల్యాండ్ అవుతూ కుప్పకూలింది. మహారాష్ట్రలోని రాయ్‌గఢ్ జిల్లా మహద్‌లో ఈ ఉదయం 9.30 గంటల ప్రాంతంలో జరిగిందీ ఘటన. ఎన్నికల ప్రచారం కోసం బయలుదేరిన సుష్మ హెలికాప్టర్ కోసం వేచి చూస్తుండగా, ల్యాండ్ అవుతూ అది ఆమె కళ్ల ముందే కుప్పకూలింది. అంతకుముందు అది అదుపు తప్పి గాల్లో ఓ వైపుకు కొట్టుకుపోవడం వీడియోలో స్పష్టంగా కనిపించింది. 

హెలికాప్టర్ పైలట్‌కు తీవ్ర గాయాలయ్యాయి. ఈ ఘటనలో హెలికాప్టర్ రూటర్ బ్లేడ్లు దెబ్బతిన్నాయి. హెలికాప్టర్ ల్యాండ్‌ సైట్‌కు చేరుకున్న తర్వాత ఒక్కసారిగా అదుపుతప్పి గాల్లో పక్కకు జారుకుంది. ఆపై ల్యాండ్ అవుతూ భూమిని ఢీకొట్టడంతో దుమ్ముధూళి ఒక్కసారిగా కమ్మేసింది.