'ది గ‌ర్ల్‌ఫ్రెండ్' చిత్రం నుంచి ర‌ష్మిక మంద‌న్న‌ ఫ‌స్ట్ లుక్ వ‌చ్చేసింది!

నేష‌న‌ల్ క్ర‌ష్ ర‌ష్మిక మంద‌న్న బ‌ర్త్ డే సంద‌ర్భంగా ఆమె న‌టించిన 'ది గ‌ర్ల్‌ఫ్రెండ్' మూవీ నుంచి చిత్రం యూనిట్ ఫ‌స్ట్ లుక్ పోస్ట‌ర్‌ను విడుద‌ల చేసింది. ఈ పోస్టర్‌లో మ‌రోసారి ర‌ష్మిక త‌న క్యూట్ లుక్స్‌తో ఆక‌ట్టుకుంది. రాహుల్ ర‌వీంద్ర‌న్ ద‌ర్శ‌క‌త్వం వ‌హిస్తున్న ఈ సినిమాను మాస్ మూవీ మేక‌ర్స్‌, ధీర‌జ్ మొగిలినేని ఎంట‌ర్టైన్మెంట్స్ సంస్థ‌లు సంయుక్తంగా నిర్మిస్తున్నాయి. హేషం అబ్దుల్ వహ‌బ్ బాణీలు అందిస్తున్నారు. 

శుక్ర‌వారం ర‌ష్మిక పుట్టిన రోజు సంద‌ర్భంగా మొద‌ట ఈ మూవీ టీజ‌ర్ విడుద‌ల కావాల్సింది. కానీ, అనివార్య‌కార‌ణాల వ‌ల్ల టీజ‌ర్ విడుద‌ల వాయిదా ప‌డింది. దాంతో చిత్రం యూనిట్ పోస్టర్‌తో స‌రిపెట్టింది. ఈ చిత్రం తెలుగుతో పాటు హిందీ, క‌న్న‌డ‌, మ‌ల‌యాళం, త‌మిళ భాషల్లో విడుద‌ల కానుంది. ఇక ర‌ష్మిక 'ది గ‌ర్ల్‌ఫ్రెండ్' మూవీతో పాటు 'రెయిన్‌బో', 'పుష్ప‌-2' చిత్రాల్లో కూడా న‌టిస్తోంది. ఆమె చివ‌రి చిత్రం 'యానిమల్' బ్లాక్‌బ‌స్ట‌ర్ హిట్‌గా నిలిచిన విష‌యం తెలిసిందే.