Rashmika Mandanna: జిమ్‌లో చెమటోడిస్తున్న ర‌ష్మిక.. వైర‌లవుతున్న నేష‌న‌ల్ క్ర‌ష్‌ వ‌ర్కౌట్స్ వీడియో!

నేష‌న‌ల్ క్ర‌ష్ ర‌ష్మిక మందన్న జిమ్‌లో చెమటోడిస్తున్న వీడియో ఒక‌టి ఇప్పుడు సోష‌ల్ మీడియాలో తెగ వైర‌ల్ అవుతోంది. ఈ వీడియోలో జిమ్ ట్రైన‌ర్ స‌మ‌క్షంలో త‌న ఫిట్‌నెస్‌ను పెంచుకునే ప‌నిలో ర‌ష్మిక క‌నిపించింది. త‌న‌ వ‌ర్కౌట్స్ కు సంబంధించిన‌ వీడియోను ర‌ష్మిక త‌న అధికారిక ఇన్‌స్టాగ్రామ్ ఖాతా ద్వారా అభిమానుల‌తో పంచుకుంది. ఈ వీడియో ప్ర‌స్తుతం నెట్టింట వైర‌ల్ అవుతోంది. దీనిపై అభిమానులు త‌మ‌దైన శైలిలో స్పందిస్తున్నారు.

ఇక‌ ర‌ష్మిక ప్రస్తుతం పుష్ప‌-2 మూవీ షూటింగ్‌తో బిజీగా ఉంది. తాజాగా షూటింగ్ సెట్‌లో ఉన్న ఆమె లుక్ లీక్ కావ‌డంతో వైర‌ల్‌గా మారిన విష‌యం తెలిసిందే. ఈ లీకైన‌ ఫొటోలో శ్రీవ‌ల్లి పాత్ర‌లో న‌టిస్తోన్న ర‌ష్మిక ఎరుపు రంగు చీర‌లో బంగారు ఆభ‌ర‌ణాలు ధ‌రించి ఎంతో అందంగా క‌నిపించింది. శ‌ర‌వేగంగా చిత్రీక‌ర‌ణ జ‌రుపుకుంటున్న ఈ సినిమా ఆగ‌స్టు 15వ తేదీన విడుద‌ల కానుంది. 

అటు పుష్ప మూవీతో బాలీవుడ్‌లో అడుగుపెట్టిన ర‌ష్మిక‌.. ఇటీవ‌ల విడుద‌లైన యానిమ‌ల్ చిత్రంతో మ‌రో సూప‌ర్ హిట్‌ను త‌న ఖాతాలో వేసుకుంది. అలాగే ఈ మూవీకి సీక్వెల్‌గా రానున్న యానిమల్ పార్క్‌లోనూ ఛాన్స్ కొట్టేసింది. ఈ విష‌యాన్ని డైరెక్ట‌ర్ సందీప్ రెడ్డి వంగానే వెల్ల‌డించారు. సీక్వెల్‌లో ర‌ష్మిక‌ను కంటిన్యూ చేస్తున్న‌ట్లు ఆయ‌న పేర్కొన్నారు. ఇక తెలుగులో ప్ర‌స్తుతం రెయిన్‌బో, గ‌ర్ల్‌ఫ్రెండ్ సినిమాల‌లో ర‌ష్మిక న‌టిస్తుంది.