Chiranjeevi: న్యూయార్క్ టైమ్స్ స్క్వేర్ లో మెరిసిన మెగాస్టార్ చిరంజీవి.. వీడియో ఇదిగో!

తెలుగు సినీ పరిశ్రమను తన అద్భుత నటన, డ్యాన్సులు, స్పీడ్ తో మరో దశకు తీసుకెళ్లిన నట శిఖరం చిరంజీవి. టాలీవుడ్ చరిత్రను చిరంజీవికి ముందు, చిరంజీవికి తర్వాత అని రెండు భాగాలుగా చెప్పుకోవడంలో ఎలాంటి అతిశయోక్తి లేదు. సినీ రంగానికి ఆయన చేసిన విశేషమైన సేవలకు గాను భారత ప్రభుత్వం రెండో అత్యున్నత పౌర పురస్కారమైన పద్మవిభూషణ్ కు ఎంపిక చేసింది. 

చిరుకి పద్మవిభూషణ్ రావడంతో ఆయన అభిమానులు మురిసిపోతున్నారు. ఈ సందర్భాన్ని పురస్కరించుకొని అమెరికాలోని న్యూయార్క్ లో ఉన్న టైమ్స్ స్క్వేర్ స్క్రీన్ పై చిరంజీవి విజువల్స్ ను ఆయన అభిమానులు ప్రదర్శించారు. 'దేశ అత్యున్నత పౌర పురస్కారం పద్మవిభూషణ్ ను సాధించిన సందర్భంగా అభినందనలు మెగాస్టార్ చిరంజీవి గారు' అంటూ విజువల్స్ పై పేర్కొన్నారు. దీనికి సంబంధించి వీడియో సోషల్ మీడియాలో వైరల్ అవుతోంది.