హైదరాబాద్ పరిధిలో భారీగా డ్రగ్స్ పట్టివేత... నెల్లూరువాసుల అరెస్ట్

హైదరాబాద్ లో భారీగా డ్రగ్స్‌ను స్వాధీనం చేసుకున్నారు. ఎస్ఆర్ నగర్ పోలీస్ స్టేషన్ పరిధిలో టీఎస్ న్యాబ్ అధికారులు భారీ మొత్తంలో డ్రగ్స్‌ను పట్టుకున్నారు. ఓ అపార్టుమెంట్‌లో నిర్వహించిన పుట్టిన రోజు వేడుకల సందర్భంగా ఇవి దొరికాయి. గోవా నుంచి డ్రగ్స్ తెప్పించి వీరు పార్టీ చేసుకుంటుండగా సమాచారం అందుకున్న ఎస్ఆర్ నగర్ పోలీసులు, టీఎస్ న్యాబ్ అధికారులు సంయుక్తంగా ఈ అపార్టుమెంట్‌పై దాడి చేశారు. మొత్తం 12 మందిని అదుపులోకి తీసుకున్నారు. అరవై డ్రగ్స్ మాత్రలను స్వాధీనం చేసుకున్నారు. పట్టుబడిన వారిలో ఐటీ ఉద్యోగులు, ఇంజినీరింగ్ విద్యార్థులు ఉన్నారని సమాచారం. వీరిని నెల్లూరు వాసులుగా గుర్తించారు.