మైసూర్ కి షిఫ్ట్ అవుతున్న 'గేమ్ చేంజర్' టీమ్!

మెగా అభిమానులందరి దృష్టి ఇప్పుడు 'గేమ్ చేంజర్' పైనే ఉంది. ఈ సినిమాకి సంబంధించిన షెడ్యూల్ కొన్ని రోజులుగా హైదరాబాదులో జరుగుతూ వచ్చింది. ఇక్కడ వేసిన ప్రత్యేకమైన సెట్లో కొన్ని కీలకమైన సన్నివేశాలను చిత్రీకరిస్తూ వచ్చారు. రీసెంటుగా ఈ షెడ్యూల్ ను పూర్తి చేసిన టీమ్, ఆ తరువాత షెడ్యూల్ కి సన్నాహాలు చేసుకుంటోంది. 

ఈ సినిమా నెక్స్ట్ షెడ్యూల్ ను మైసూర్ లో ప్లాన్ చేశారు. ఈ నెల 23వ తేదీ నుంచి ఈ షెడ్యూల్ కి సంబంధించిన చిత్రీకరణ మొదలవుతుంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ షూట్ చేయనున్నారు. రాజకీయాలతో కూడిన యాక్షన్ మూవీగా ఈ సినిమాను శంకర్ రూపొందిస్తున్నాడు. నిర్మాతగా దిల్ రాజు వ్యవహరిస్తున్నాడు.  

శంకర్ మార్క్ పాటలు .. సన్నివేశాలతో ఈ సినిమా పాన్ ఇండియా స్థాయిలో ప్రేక్షకులను పలకరించనుంది. తమన్ సంగీతాన్ని సమకూర్చుతున్న ఈ సినిమాలో, కథానాయికగా కియారా అద్వాని అందాల సందడి చేయనుంది. ఇతర ముఖ్యమైన పాత్రల్లో శ్రీకాంత్ .. ఎస్. జె. సూర్య .. సునీల్ .. సముద్రఖని .. అంజలి కనిపించనున్నారు.