K Kavitha: నిజామాబాద్‌లో ఎమ్మెల్సీ కవిత కారును తనిఖీ చేసిన పోలీసులు

ఎమ్మెల్సీ, బీఆర్ఎస్ నాయకురాలు కల్వకుంట్ల కవిత కాన్వాయ్‌ని పోలీసులు గురువారం తనిఖీ చేశారు. ఎన్నికల ప్రచారంలో భాగంగా ఆమె నిజామాబాద్ నుంచి కోరుట్లకు ప్రయాణించారు. ఈ సమయంలో విధినిర్వహణలో భాగంగా పోలీసులు ఆమె వాహనాన్ని తనిఖీ చేశారు. ఎన్నికల నిబంధనలను అనుసరించి పోలీసులకు కవిత సహకరించారు. ఆమె వాహనంతో పాటు తన వెంట ఉన్న ఇతర వాహనాలను కూడా పోలీసులు తనిఖీ చేశారు. పోలీసులు తన వాహనాన్ని చెక్ చేస్తున్నంత సేపు ఆమె కాస్త పక్కకు నిలుచుండిపోయారు. తనిఖీకి సహకరించిన ఎమ్మెల్సీకి పోలీసులు ధన్యవాదాలు తెలిపారు.