శిల్పాశెట్టితో కలిసి స్టెప్పులు వేసిన రవితేజ.. వీడియో వైరల్

మాస్ మహారాజ రవితేజ ఈ దసరాకి 'టైగర్ నాగేశ్వరరావు' సినిమాతో ప్రేక్షకుల ముందుకు రాబోతున్నాడు. స్టూవర్ట్ పురం దొంగ టైగర్ నాగేశ్వరరావు కథ ఆధారంగా ఈ చిత్రం తెరకెక్కింది. అక్టోబర్ 20 ఈ చిత్రం రిలీజ్ కాబోతోంది. ఈ చిత్రం రవితేజ కెరీర్లో తొలి పాన్ ఇండియా సినిమాగా విడుదల కాబోతోంది. ఈ నేపథ్యంలో ఈ చిత్రాన్ని అన్ని భాషల్లో రవితేజ ప్రమోట్ చేస్తున్నాడు. బాలీవుడ్ ప్రమోషన్స్ లో కూడా రవితేజ అదరగొడుతున్నాడు. ప్రెస్ మీట్లు, టీవీ షోలలో పాల్గొంటున్నాడు. ఇండియా గాట్ ట్యాలెంట్ అనే షోలో చిత్ర యూనిట్ తో కలిసి రవితేజ పాల్గొన్నాడు. ఈ షోలో బాలీవుడ్ నటి శిల్పాశెట్టితో కలిసి స్టెప్పులు వేశాడు. ఈ డ్యాన్స్ ను శిల్పాశెట్టి ట్విట్టర్ లో షేర్ చేసింది. దీన్ని షేర్ చేసిన రవితేజ... మిమ్మల్ని కలవడం, మీతో డ్యాన్స్ చేయడం సంతోషంగా ఉందని తెలిపాడు.