బెయిలుపై విడుదలైన వ్యక్తి తిరిగి అరెస్ట్.. ఇంఫాల్లో మళ్లీ చెలరేగిన ఘర్షణలు
- బెయిలుపై విడుదలైన ఐదుగురు విలేజ్ డిఫెన్స్ వలంటీర్లు
- పదేళ్ల క్రితం నాటి కేసులో వారిలో ఒకరు మళ్లీ అరెస్ట్
- పలు ప్రాంతాల్లో నిరసనకు దిగిన ఆందోళనకారులు
- బాష్పవాయువు గోళాలు ప్రయోగించిన భద్రతా దళాలు
పదేళ్ల క్రితం నాటి కేసులో తన భర్తను అరెస్ట్ చేసినట్టు పోలీసులు తమతో చెప్పారంటూ ఇంఫాల్ పోలీస్ స్టేషన్ బయట ఆనంద్ భార్య విలపిస్తూ చెప్పింది. తామందరం బెయిలుపై విడుదలైన తర్వాత ఆనంద్ను కొందరు అధికారులు తీసుకెళ్లారని, అతడిని చూడ్డం అదే చివరిసారని బెయిలుపై విడుదలైన మరో వలంటీర్ తెలిపాడు.
ఇంఫాల్ పశ్చిమ జిల్లాలోని క్వాకీథేల్ స్ట్రెచ్, సింగ్జమేయి, యురిపోక్లలో ఆందోళనకారులను చెదరగొట్టేందుకు పోలీసులు పలుమార్లు టియర్ గ్యాస్ను ప్రయోగించారు. ఆందోళనకారులు రోడ్లపై టైర్లు తగలబెట్టి ప్రభుత్వానికి, పోలీసులకు వ్యతిరేకంగా నినాదాలు చేశారు.
