Excitel: బ్రాడ్ బ్యాండ్ కనెక్షన్ తో టీవీ ఫ్రీ.. ఎక్సైటెల్ ఆఫర్
- రూ.1,299, రూ.1,499 ధరలతో బ్రాడ్ బ్యాండ్ ప్లాన్లు
- 400 ఎంబీపీఎస్ వేగంతో పరిమితి లేని డేటా
- స్మార్ట్ టీవీ, ఆండ్రాయిడ్ ప్రొజెక్టర్ ఉచితం
వైర్ లైన్ ఇంటర్నెట్ సేవలు అందించే ‘ఎక్సైటెల్’ బ్రాడ్ బ్యాండ్ కనెక్షన్ల పై పలు ఆఫర్లను ప్రకటించింది. ఈ సంస్థ దేశవ్యాప్తంగా 35 పట్టణాల్లో ఇంటర్నెట్ సేవలు అందిస్తోంది. బిగ్ స్క్రీన్ ప్లాన్స్ పేరుతో రెండు రకాల ప్లాన్లను ప్రకటించింది. వీటిని తీసుకునే వారికి ఈ సంస్థ స్మార్ట్ టీవీతోపాటు పలు ఇతర సదుపాయాలను కూడా ఉచితంగా కల్పిస్తోంది.
రూ.1,299
ఈప్లాన్ లో 400 ఎంబీపీఎస్ వేగంతో ఇంటర్నెట్ పొందొచ్చు. పైగా డేటా వినియోగానికి ఎలాంటి పరిమితి లేదు. పైగా ఈ ప్లాన్ తీసుకుంటే 16 ఓటీటీ యాప్స్ సబ్ స్క్రిప్షన్ ఉచితం. 550 లైవ్ టీవీ చానళ్ల సేవలను పొందొచ్చు. ఫ్రీ వైబర్ 32 అంగుళాల హెచ్ డీ క్లౌడ్ టీవీని పొందొచ్చు.
రూ.1,499
ఈ ప్లాన్ లోనూ 400 ఎంబీపీఎస్ వేగంతో, పరిమితి లేని డేటాతో ఇంటర్నెట్ సేవలు పొందొచ్చు. 16 ఓటీటీ సబ్ స్క్రిప్షన్, 550 లైవ్ టీవీ చానళ్ల సేవలను పొందొచ్చు. ఈ ప్లాన్ తీసుకునే వారికి ఈగేట్ కే9 ప్రో మ్యాక్స్ ఆండ్రాయిడ్ ప్రొజెక్టర్ ఉచితంగా లభిస్తుంది. డిస్నీ హాట్ స్టార్, సోనీలివ్, జీ5 తదితర అన్ని ప్రముఖ ఓటీటీ సేవలు కూడా పొందొచ్చు.
