'భోళా శంకర్' ప్రీ రిలీజ్ ఈవెంట్ కు రంగం సిద్ధం...!
- చిరంజీవి ప్రధానపాత్రలో మెహర్ రమేశ్ దర్శకత్వంలో భోళా శంకర్
- ఆగస్టు 11న వరల్డ్ వైడ్ రిలీజ్
- వచ్చే ఆదివారం ప్రీ రిలీజ్ ఈవెంట్ జరిగే అవకాశాలు
- హైదరాబాదులో, లేదా విజయవాడలో ఈవెంట్!
మెగాస్టార్ చిరంజీవి ప్రధాన పాత్రలో మెహర్ రమేశ్ దర్శకత్వంలో వస్తున్న మాస్ ఎంటర్టయినర్ చిత్రం భోళా శంకర్. ఈ సినిమా ఆగస్టు 11న ప్రేక్షకుల ముందుకు వస్తోంది. తాజాగా సెన్సార్ పనులు పూర్తి చేసుకుంది.
కాగా, భోళా శంకర్ చిత్రం ప్రీ రిలీజ్ ఈవెంట్ ను గ్రాండ్ గా నిర్వహించేందుకు చిత్ర యూనిట్ సన్నద్ధమవుతున్నట్టు టాక్ వినిపిస్తోంది. ఈ నెల 6న (ఆదివారం) ప్రీ రిలీజ్ ఫంక్షన్ ఏర్పాటు చేసినట్టు తెలుస్తోంది. అయితే, ఈ వేడుక హైదరాబాదులోనా, లేక విజయవాడలో జరుపుతారా అనేదానిపై స్పష్టత లేదు. ఒకవేళ హైదరాబాద్ లో నిర్వహిస్తే శిల్పకళా వేదికలో జరిగే అవకాశాలున్నాయి.
అయితే, ఈ ప్రీరిలీజ్ ఈవెంట్ పై చిత్రబృందం నుంచి అధికారిక ప్రకటన వెలువడాల్సి ఉంది. ఇప్పటికే ఓ టీవీ చానల్ ఆదివారం నాడు తమ చానల్లో భోళా శంకర్ ప్రీ రిలీజ్ ఈవెంట్ ప్రత్యక్ష ప్రసారం అంటూ వెల్లడించింది.
ఏకే ఎంటర్టయిన్ మెంట్స్ పతాకంపై తెరకెక్కిన ఈ చిత్రంలో చిరంజీవి సరసన మిల్కీ బ్యూటీ తమన్నా కథానాయిక. యువ హీరోయిన్ కీర్తి సురేశ్ మెగాస్టార్ కు చెల్లెలిగా నటిస్తుండడం విశేషం.
ఈ చిత్రానికి మణిశర్మ తనయుడు మహతి స్వరసాగర్ సంగీతం అందించాడు. ఇందులో సుశాంత్, వెన్నెల కిశోర్, మురళీశర్మ, రవిశంకర్, తులసి, శ్రీముఖి, సురేఖా వాణి, హైపర్ ఆది తదితరులు నటించారు.
కాగా, భోళా శంకర్ చిత్రం ప్రీ రిలీజ్ ఈవెంట్ ను గ్రాండ్ గా నిర్వహించేందుకు చిత్ర యూనిట్ సన్నద్ధమవుతున్నట్టు టాక్ వినిపిస్తోంది. ఈ నెల 6న (ఆదివారం) ప్రీ రిలీజ్ ఫంక్షన్ ఏర్పాటు చేసినట్టు తెలుస్తోంది. అయితే, ఈ వేడుక హైదరాబాదులోనా, లేక విజయవాడలో జరుపుతారా అనేదానిపై స్పష్టత లేదు. ఒకవేళ హైదరాబాద్ లో నిర్వహిస్తే శిల్పకళా వేదికలో జరిగే అవకాశాలున్నాయి.
అయితే, ఈ ప్రీరిలీజ్ ఈవెంట్ పై చిత్రబృందం నుంచి అధికారిక ప్రకటన వెలువడాల్సి ఉంది. ఇప్పటికే ఓ టీవీ చానల్ ఆదివారం నాడు తమ చానల్లో భోళా శంకర్ ప్రీ రిలీజ్ ఈవెంట్ ప్రత్యక్ష ప్రసారం అంటూ వెల్లడించింది.
ఏకే ఎంటర్టయిన్ మెంట్స్ పతాకంపై తెరకెక్కిన ఈ చిత్రంలో చిరంజీవి సరసన మిల్కీ బ్యూటీ తమన్నా కథానాయిక. యువ హీరోయిన్ కీర్తి సురేశ్ మెగాస్టార్ కు చెల్లెలిగా నటిస్తుండడం విశేషం.
ఈ చిత్రానికి మణిశర్మ తనయుడు మహతి స్వరసాగర్ సంగీతం అందించాడు. ఇందులో సుశాంత్, వెన్నెల కిశోర్, మురళీశర్మ, రవిశంకర్, తులసి, శ్రీముఖి, సురేఖా వాణి, హైపర్ ఆది తదితరులు నటించారు.