ఈ వారం విడుదలవుతున్న సినిమాలు ఇవే.. తెలుగు రాష్ట్రాల్లో 'ఆదిపురుష్'కు పోటీగా ఒక్క సినిమానే!

ఈ వారం థియేటర్లు మొత్తం జై శ్రీరాం నినాదాలతో మోతెక్కనున్నాయి. ప్రభాస్ శ్రీరాముడిగా, కృతి సనన్ సీతామాతగా నటించిన మైథలాజికల్ మూవీ 'ఆదిపురుష్' ఈ వారం థియేటర్లలో విడుదల కాబోతోంది. ఓం రౌత్ దర్శకత్వం వహించిన ఈ చిత్రం తెలుగు, హిందీ, తమిళం, కన్నడ, మలయాళ భాషల్లో ప్రేక్షకుల ముందుకు వస్తోంది. సైఫ్ అలీ ఖాన్ రావణుడి పాత్రను పోషించడం ఈ చిత్రానికి మరో హైలైట్. ఇప్పటికే విడుదలైన టీజర్, ట్రైలర్ లు సినిమాపై అంచనాలను భారీగా పెంచేశాయి. 'జై శ్రీరామ్' పాట యూట్యూబ్ ను ఊపేస్తోంది. ఈ చిత్రం జూన్ 16న విడుదల కాబోతోంది. 

మరోవైపు, 'ఆదిపురుష్' విడుదల కావడానికి ఒక రోజు ముందు హాలీవుడ్ చిత్రం 'ది ఫ్లాష్' విడుదలవుతోంది. ఈ చిత్రంలో మిల్లర్ కీలక పాత్రలో నటించగా, ఆండీ యూషియాటీ దర్శకర్తం వహించారు. ఇండియాలో ఇంగ్లీష్ తో పాటు పలు భాషల్లో విడుదల చేస్తున్నారు. 15వ తేదీన ఇది తెలుగులో కూడా విడుదల కాబోతోంది. ఈ సినిమా చూసేందుకు మన తెలుగు ప్రేక్షకులు ఎలాగూ పెద్దగా ఉత్సుకత చూపించరు. కాబట్టి 16 నుంచి రెండు తెలుగు రాష్ట్రాల థియేట్లర్లలో పూర్తిగా 'ఆదిపురుష్' సందడే ఉండబోతోంది.   

ఇంకోవైపు, ఈ నెల 15న డిస్నీ ప్లస్ హాట్ స్టార్ లో 'సైతాన్' వెబ్ సిరీస్ (తెలుగు) స్ట్రీమింగ్ కానుంది. జూన్ 16న ఈటీవీ విన్ లో 'కనులు తెరిచా కనులు మూసినా' చిత్రం ప్రేక్షకుల ముందుకు రానుంది.