అదిరే స్టైల్ అయ్యా.. భోళా మేనియా మొదలైందయ్యా..

వాల్తేరు వీరయ్య విజయంతో  ఫుల్ జోష్ లో ఉన్నారు మెగాస్టార్ చిరంజీవి. ప్రస్తుతం ఆయన భోళా శంకర్ సినిమాలో నటిస్తున్నారు. మెహర్ రమేష్ దర్శకత్వం వహిస్తున్న ఈ సినిమా షూటింగ్ చివరి దశలో ఉంది. అగస్టు 11న సినిమా విడుదల కానుంది. ఈ నేపథ్యంలో వరుస పోస్టర్లు, అప్ డేట్స్ తో చిత్ర బృందం.. సినిమాపై ఆసక్తిని పెంచుతోంది. తాజాగా ఈ సినిమా నుంచి ఫస్ట్ సింగిల్ ప్రోమోను ఈ ఉదయం విడుదల చేసింది. అదిరే స్టైలయ్యా.. పగిలే స్వాగ్ అయ్యా.. యుఫోరియా నా ఏరియా.. భోళా మేనియా అంటూ సాగే పాటలో చిరు సూపర్ లుక్ లో కనిపిస్తున్నారు. 

తన మార్కు స్టెప్పుతో కిక్‌ ఇచ్చారు. ఈ మాస్ బీట్ పూర్తి లిరికల్ సాంగ్ ను సాయంత్రం 4.05 గంటలకు రిలీజ్ చేస్తున్నట్లు చిత్రబృందం ప్రకటించింది. మహతి స్వర సాగర్ స్వర పరిచిన ఈ పాటను రామ జోగయ్య శాస్త్రి రాశారు. ఏకే ఎంటర్టైనమెంట్స్ నిర్మిస్తున్న ఈ సినిమా తమిళంలో సూపర్ హిట్టయిన వేదాళంకు రీమేక్ గా తెరకెక్కుతుంది. కీర్తి సురేశ్ చిరు చెల్లెలి పాత్రలో నటిస్తోంది. చిరు సరసన తమన్నా హీరోయిన్‌గా కనిపించనుంది.