200 కోట్ల వసూళ్ల దిశగా 'ది కేరళ స్టోరీ'

'ది కేరళ స్టోరీ' .. ఇప్పుడు అందరూ ఈ సినిమాను గురించి మాట్లాడుకుంటున్నారు. విమల్ షా నిర్మాణంలో .. సుదీప్తో సేన్ దర్శకత్వంలో ఈ నెల 5వ తేదీన ఈ సినిమా విడుదలైంది. చిన్న సినిమాగా ప్రేక్షకుల ముందుకు వచ్చిన ఈ సినిమా, కంటెంట్ పరంగా కొన్ని అభ్యంతరాలను ఎదుర్కొంటోంది. 

ఒక వైపున ఈ సినిమాకి విమర్శలు .. వివాదాలు ఎదురవుతూ ఉంటే, మరో వైపున వసూళ్లు పెరుగుతూ వెళ్లడం విశేషం. నిన్న ఒక్క రోజులోనే ఈ సినిమా 10 కోట్లను వసూలు చేసింది. దాంతో 11 రోజుల్లో ఈ సినిమా 147 కోట్లను రాబట్టినట్టు అయింది. 200 కోట్ల మార్కును ఈ సినిమా అందుకోవడానికి ఎక్కువ రోజులు పట్టకపోవచ్చనే అభిప్రాయాలు వ్యక్తమవుతున్నాయి. 

అదా శర్మ .. సిద్ధి ఇద్నాని .. యోగిత ... సోనియా ... దేవదర్శిని ఈ సినిమాలో ప్రధానమైన పాత్రలను పోషించారు. ఏ రోజుకు ఆ రోజు ఈ సినిమా వసూళ్లు పెరుగుతూ వెళుతున్న నేపథ్యంలో, లాంగ్ రన్ లో వసూళ్ల పరంగా ఈ సినిమా కొత్త రికార్డులను సృష్టించవచ్చని అంటున్నారు. మరి ఈ వసూళ్ల వరద ఎక్కడ ఆగుతుందనేది చూడాలి.