ఈ వీడియో చూసి నా కళ్లలో నీళ్లు తిరిగాయి: మంచు విష్ణు
- నిన్న 15వ వివాహ వార్షికోత్సవాన్ని జరుపుకున్న విష్ణు, విరానికా
- తల్లిదండ్రులకు వీడియోను బహుమతిగా ఇచ్చిన అరియానా, వివియానా
- సాంగ్ పూర్తవుతున్న సమయంలో ఏడ్చేశానన్న విష్ణు
సినీ హీరో మంచు విష్ణు, ఆయన భార్య విరానికా నిన్న 15వ వివాహ వార్షికోత్సవాన్ని జరుపుకున్నారు. కుటుంబసభ్యుల సమక్షంలో సంతోషంగా గడిపారు. ఈ సందర్భంగా వారి పిల్లలు అరియానా, వివియానా వారి తల్లిదండ్రులకు ఓ వీడియోను బహుమతిగా ఇచ్చారు. ఈ వీడియోలో విష్ణు, విరానికాకు సంబంధించిన ప్రత్యేకమైన మూమెంట్స్ ను ఉంచారు. అంతేకాదు మై ఫాదర్ లవ్స్ మై మామ్ అనే పాటను కూడా వారు ఆలపించారు. ఈ వీడియోను విష్ణు సోషల్ మీడియాలో షేర్ చేశాడు. సాంగ్ పూర్తి అవుతున్న సమయంలో తాను ఏడ్చేశానని చెప్పాడు. తన చిన్ని తల్లులు ఇచ్చిన గిఫ్ట్ ను తాను ఎప్పటికీ మర్చిపోలేనని అన్నాడు.
