Bill Gates: రిపోర్టర్ తో డేటింగ్ చేస్తున్న బిల్ గేట్స్ మాజీ భార్య
- 27 ఏళ్ల వైవాహిక బంధానికి ముగింపు పలికిన బిల్ గేట్స్, మిలిందా
- మాజీ టీవీ రిపోర్టర్ జాన్ తో మిలిందా డేటింగ్ చేస్తోందంటూ వార్తలు
- ఇప్పటికే పలుమార్లు మీడియాకు చిక్కిన ప్రేమ జంట
ప్రపంచ కుబేరుల్లో ఒకరైన మైక్రోసాఫ్ట్ వ్యవస్థాపకుడు బిల్ గేట్స్ తన భార్య మిలిందా గేట్స్ కు విడాకులు ఇచ్చిన సంగతి తెలిసిందే. 1994లో వైవాహిక బంధంతో ఒకటైన వీరు... 27 ఏళ్ల అనుబంధానికి ముగింపు పలికి అందరికీ షాక్ ఇచ్చారు. బిల్ గేట్స్ తో విడిపోయిన తర్వాత తాను ఎంతో మనోవేదనకు గురయ్యానని మిలిందా ఒక ఇంటర్వ్యూలో కూడా ఆవేదన వ్యక్తం చేశారు. అయితే ఆమె మరోసారి ప్రేమలో పడినట్టు అమెరికన్ మీడియాలో కథనాలు వస్తున్నాయి.
58 ఏళ్ల మిలిందా 60 ఏళ్ల మాజీ టీవీ రిపోర్టర్ జాన్ డ్యూ ప్రీతో డేటింగ్ చేస్తోందనే వార్త వైరల్ అవుతోంది. కొంత కాలంగా వీరిద్దరూ రిలేషన్ షిప్ లో ఉన్నారని ఓ ఆన్ లైన్ మీడియా సంస్థ తన కథనంలో తెలిపింది. వీరిద్దరూ కలిసి ఇప్పటికే పలు మార్లు మీడియా కంటికి చిక్కారు. మరోవైపు, ఈ కథనాలపై మిలిందా కానీ, జాన్ డ్యూ ప్రీ కానీ ఇంతవరకు స్పందించలేదు. దీంతో, ఈ వార్తలకు మరింత బలం చేకూరినట్టయింది. మరోవైపు, బిల్ గేట్స్, మిలిందాకు ముగ్గురు సంతానం ఉన్నారు.
మిలిందా .. జాన్ డ్యూ ప్రీ
