కృష్ణ గారి కుటుంబానికి ప్రగాఢ సానుభూతి తెలియజేస్తున్నాను: పవన్ కల్యాణ్

ప్రముఖ నటులు కృష్ణ గారి సతీమణి, మహేశ్ బాబు మాతృమూర్తి ఇందిరాదేవి తుదిశ్వాస విడిచారనే విషయం విచారం కలిగించిందని జనసేన పార్టీ అధ్యక్షుడు పవన్ కల్యాణ్ పేర్కొన్నారు. ఈ సందర్భంగా కృష్ణ గారి కుటుంబానికి ప్రగాఢ సానుభూతి తెలియజేస్తున్నానని ఆయన అన్నారు. ఇందిరాదేవి గారి ఆత్మకు శాంతి చేకూరాలని ప్రార్థిస్తున్నానని తెలిపారు. ఈ బాధ నుంచి కృష్ణ గారు, మహేశ్ బాబు త్వరగా కోలుకునే మనోధైర్యాన్ని ఆ భగవంతుడు ప్రసాదించాలని ప్రార్థిస్తున్నానని పవన్ కల్యాణ్ ఓ ప్రకటనలో వివరించారు. 

కాగా, పద్మాలయా స్టూడియోస్ లో ఉంచిన ఇందిరాదేవి భౌతికకాయాన్ని టాలీవుడ్ ప్రముఖులు సందర్శిస్తున్నారు. విషాదంలో మునిగిన కృష్ణ కుటుంబ సభ్యులకు సంతాపం తెలియజేస్తున్నారు.