రెండో టీ20లో టాస్ గెలిచిన ఇంగ్లండ్... టీమిండియాకు మొదట బ్యాటింగ్

ఇంగ్లండ్ పై తొలి టీ20 గెలిచి మాంచి ఊపుమీదున్న టీమిండియా నేడు రెండో టీ20కి సిద్ధమైంది. బర్మింగ్ హామ్ లోని ఎడ్జ్ బాస్టన్ మైదానంలో జరిగే ఈ మ్యాచ్ లో ఇంగ్లండ్ టాస్ గెలిచి భారత్ కు బ్యాటింగ్ అప్పగించింది. కాగా, ఈ మ్యాచ్ లో గెలిచి సిరీస్ ఎగరేసుకెళ్లాలని టీమిండియా కృతనిశ్చయంతో ఉంది. అందుకే ఈ మ్యాచ్ కోసం రవీంద్ర జడేజా, జస్ప్రీత్ బుమ్రాకు చోటు కల్పించారు. 

మాజీ కెప్టెన్ కోహ్లీ కూడా ఈ మ్యాచ్ లో ఆడుతున్నాడని కెప్టెన్ రోహిత్ శర్మ టాస్ సందర్భంగా వెల్లడించాడు. తొలి టీ20లో తన బౌలింగ్ తో ఆకట్టుకున్న యువ పేసర్ అర్షదీప్ సింగ్ ను ఈ మ్యాచ్ కు పక్కనబెట్టారు. 

ఇక, ఆతిథ్య ఇంగ్లండ్ జట్టులో రెండు మార్పులు చేసినట్టు కెప్టెన్ జోస్ బట్లర్ తెలిపాడు. రీస్ టాప్లే, టైమల్ మిల్స్ స్థానంలో డేవిడ్ విల్లీ, రిచర్డ్ గ్లీసన్ జట్టులోకి వచ్చారని వివరించాడు.