కేంద్ర మంత్రి హర్దీప్ సింగ్ పూరీతో కేటీఆర్ భేటీ     

ఢిల్లీ పర్యటనలో ఉన్న తెలంగాణ ఐటీ, పట్టణాభివృద్ధి శాఖల మంత్రి కేటీఆర్ కేంద్ర గృహ నిర్మాణ, పట్టణాభివృద్ధి శాఖ మంత్రి హర్దీప్ పూరీతో భేటీ అయ్యారు. ఈ సందర్భంగా రాష్ట్రానికి సంబంధించిన పలు అంశాలపై వీరు చర్చించారు. ఎస్టీపీల నిర్మాణాలకు రూ. 8,654.54 కోట్ల ఖర్చు అవుతోందని కేంద్ర మంత్రికి కేటీఆర్ తెలిపారు. ప్రాజెక్టు వ్యయంలో మూడో వంతును అమృత్-2 కింద రూ. 2,850 కోట్లు ఇవ్వాలని కోరారు. హైదరాబాద్ లో ర్యాపిడ్ ట్రాన్సిట్ కారిడార్ కు సహకరించాలని విన్నవించారు. మరోవైపు కేటీఆర్ వెనుక జయేశ్ రంజన్ వంటి ఉన్నతాధికారులు కూడా ఉన్నారు.