తమిళ, హిందీ చిత్రాల షూటింగులకు కూడా సినీ కార్మికుల నిరసన సెగ

టాలీవుడ్ సినీ కార్మికులు సమ్మెకు దిగడంతో ఆ ప్రభావం పరభాషా చిత్రాల షూటింగులపైనా పడింది. వేతనాలు పెంచాలంటూ 24 క్రాఫ్ట్స్ కు చెందిన కార్మికులు ఫిలిం ఫెడరేషన్ వద్ద ఆందోళనకు దిగారు. జూనియర్ ఆర్టిస్టులను తీసుకెళ్లే బస్సులను కూడా నిలిపివేశారు. సినీ కార్మికులెవరూ షూటింగులకు హాజరుకాలేదు. దాంతో, హైదరాబాదులోనూ, నగర పరిసరాల్లోనూ షూటింగులు జరుపుకుంటున్న 20కి పైగా తెలుగు, తమిళ, హిందీ చిత్రాలకు ఆటంకం ఏర్పడింది. ఆయా సినిమాల చిత్రీకరణలు నిలిచిపోయాయి.