ఫ్రెంచ్ ఓపెన్ గ్రాండ్ స్లామ్ మహిళల సింగిల్స్ విజేత ఇగా స్వైటెక్

ప్రతిష్ఠాత్మక ఫ్రెంచ్ ఓపెన్ టెన్నిస్ గ్రాండ్ స్లామ్ టోర్నీలో మహిళల సింగిల్స్ టైటిల్ ను టాప్ ర్యాంక్ క్రీడాకారిణి ఇగా స్వైటెక్ కైవసం చేసుకుంది. పారిస్ లోని రోలాండ్ గారోస్ స్టేడియంలో జరిగిన ఈ మ్యాచ్ లో పోలెండ్ భామ ఇగా స్వైటెక్ 6-1, 6-3తో అమెరికా టీనేజర్ 18 ఏళ్ల కోకో గాఫ్ ను ఓడించింది. ఫ్రెంచ్ ఓపెన్ లో స్వైటెక్ కు ఇది రెండో టైటిల్. గతంలో ఆమె 2020లోనూ ఇక్కడి క్లే కోర్టుపై విజేతగా నిలిచింది. 

కాగా, స్వైటెక్ కు ఈ మ్యాచ్ లో సాధించిన విజయం వరుసగా 35వది కావడం విశేషం. దీంతో, 2000 సంవత్సరంలో వీనస్ విలియమ్స్ నెలకొల్పిన 35 వరుస విజయాల రికార్డును స్వైటెక్ సమం చేసింది.