తిరుమల శ్రీవారి సేవలో నటి శ్రీదేవి కుమార్తె జాన్వీ కపూర్

నటనా దిగ్గజం, దివంగత శ్రీదేవి కుమార్తె, వర్థమాన బాలీవుడ్ నటి అయిన జాన్వీ కపూర్ తిరుమల శ్రీ వేంకటేశ్వరస్వామి వారి సేవలో తరించారు. ఆదివారం ఉదయం వీఐపీ బ్రేక్ సమయంలో ఆమె స్వామి వారిని దర్శించుకున్నారు. ఈ సందర్భంగా ఆమెతో సెల్ఫీ దిగేందుకు కొందరు భక్తులు ఆసక్తి చూపించారు.

సంప్రదాయ చీరకట్టులో జాన్వీ కపూర్ కనిపించారు. ముఖానికి మాస్క్ ధరించి ఉన్నారు. దర్శనానంతరం అర్చకులు ఆమెకు ఆశీర్వచనం అందించారు. ఆమె వెంట మరొకరు కూడా ఉన్నారు. ఈ వీడియో సోషల్ మీడియాలో వైరల్ అయింది. నెటిజన్లు ఆసక్తికరమైన కామెంట్లతో ఆసక్తికరంగా మార్చేశారు.