సినిమా కబుర్లు.. సంక్షిప్త సమాచారం

*  ప్రముఖ బాలీవుడ్ నటి మల్లికా శెరావత్ తొలిసారిగా ఓ తెలుగు సినిమాలో నటిస్తోంది. పిరీడ్ డ్రామా కథాంశంతో తెరకెక్కే ఈ చిత్రం పేరు 'నాగమతి'. అమ్రిష్ గణేశ్ దర్శకత్వంలో రూపొందే ఈ చిత్రాన్ని తెలుగుతో పాటు, తమిళ, హిందీ భాషల్లో కూడా ఒకేసారి నిర్మిస్తున్నారు.
*  నందమూరి నటసింహం బాలకృష్ణ హీరోగా గోపీచంద్ మలినేని దర్శకత్వంలో మైత్రీ మూవీ మేకర్స్ ఓ భారీ చిత్రాన్ని నిర్మిస్తున్న సంగతి విదితమే. కాగా, ఈ చిత్రం ముహూర్తాన్ని ఈ నెల 13న ఉదయం 10.26 నిమిషాలకు నిర్వహించనున్నట్టు చిత్ర బృందం పేర్కొంది. ఇందులో శ్రుతి హాసన్ కథానాయికగా నటిస్తుంది.
*  మెగా హీరో రామ్ చరణ్, శంకర్ కలయికలో రూపొందుతున్న భారీ చిత్రం షూటింగ్ తొలి షెడ్యూలు ఇటీవల పూణేలో పదిహేను రోజుల పాటు జరిగింది. కాగా, మలిషెడ్యూలు షూటింగును ఈ నెల 15 నుంచి హైదరాబాదులో నిర్వహించడానికి ఏర్పాట్లు చేస్తున్నారు. ఇందులో కియారా అద్వానీ కథానాయికగా నటిస్తోంది.