తెలంగాణ రోజువారీ కరోనా కేసుల వివరాలు ఇవిగో!

తెలంగాణలో గడచిన 24 గంటల్లో 37,882 కరోనా నిర్ధారణ పరీక్షలు నిర్వహించగా, 168 పాజిటివ్ కేసులు వెల్లడయ్యాయి. జీహెచ్ఎంసీ పరిధిలో 62 కొత్త కేసులు నమోదు కాగా, రంగారెడ్డి, కరీంనగర్ జిల్లాలలో 12 చొప్పున, మేడ్చల్ మల్కాజిగిరి జిల్లాలో 11 కేసులు గుర్తించారు.

ఇక జయశంకర్ భూపాలపల్లి, జోగులాంబ గద్వాల్, ములుగు, నిర్మల్, వికారాబాద్ జిల్లాల్లో ఒక్క కొత్త కేసు కూడా నమోదు కాలేదు.

అదే సమయంలో 191 మంది కరోనా నుంచి కోలుకోగా, ఒకరు మరణించారు. రాష్ట్రంలో ఇప్పటిదాకా 6,71,342 పాజిటివ్ కేసులు నమోదు కాగా... 6,63,315 మంది కరోనా నుంచి విముక్తులయ్యారు. ఇంకా 4,072 మంది చికిత్స పొందుతున్నారు. కరోనా మృతుల సంఖ్య 3,955కి పెరిగింది.