Guinness World Record: ప్రపంచంలోనే అత్యంత వృద్ధ కవలలు.. ఎక్కడున్నారంటే..!

ప్రపంచంలోనే అత్యంత వృద్ధ కవలలుగా ఇద్దరు అక్కాచెల్లెళ్లకు అరుదైన గౌరవం దక్కింది. వీరి వయసు 107 సంవత్సరాల 330 రోజులు. ఇటీవలే ఈ అక్కాచెల్లెళ్లకు గిన్నీస్ బుక్ వరల్డ్ రికార్డ్స్ నుంచి ధ్రువీకరణ పత్రాలు కూడా అందాయి. వీరిద్దరినీ అత్యంత వృద్ధ కవలలు (మహిళల) విభాగంలో ఈ అవార్డు వరించింది.

ఉమెనో సుమియామా, కోమే కొడామా అనే ఈ అక్కాచెల్లెళ్లిద్దరూ 1913 నవంబరులో జన్మించారు. ఈ కుటుంబంలో మొత్తం 11 మంది పిల్లలు జన్మించగా.. వీరిలో ఈ అక్కాచెల్లెళ్లు మూడో కాన్పులో పుట్టారు. ఇంతకు ముందు కూడా ఈ రికార్డు జపాన్ కవలల పేరిటే ఉంది. అయితే వారి వయసు 107 సంవత్సరాల 175 రోజులే కావడంతో ఇప్పుడు ఆ రికార్డు ఉమెనో సుమియామా, కోమే కొడామాలకు దక్కింది.