కేసీఆర్, జ‌గ‌న్, షర్మిల, బీజేపీ ఎవరి డ్రామా వారు ఆడుతున్నారు: జ‌గ్గారెడ్డి

తెలుగు రాష్ట్రాల మ‌ధ్య నీటి గొడ‌వ‌లు, దేశంలో పెట్రోలు, డీజిల్ ధ‌ర‌లు ఆకాశాన్ని తాకుతుండ‌డం ప‌ట్ల కాంగ్రెస్ ఎమ్మెల్యే జగ్గారెడ్డి  మండిప‌డ్డారు. తెలంగాణ ముఖ్య‌మంత్రి కేసీఆర్,  ఏపీ సీఎం జగన్ ల నీటి గొడవ పెద్ద నాట‌క‌మ‌ని ఆయ‌న ఆరోపించారు. జగన్, కేసీఆర్, మ‌రోవైపు షర్మిల, విజయమ్మ, బీజేపీ నేత‌లు అంద‌రూ ఎవరి డ్రామా వారు ఆడుతున్నారని ఆయ‌న ఎద్దేవా చేశారు.  

ఇంధ‌న ధ‌ర‌లు పెరిగిపోతుండ‌డాన్ని నిరసిస్తూ కాంగ్రెస్ ఇచ్చిన పిలుపు మేర‌కు ఈ రోజు ఛ‌లో రాజ్‌భవన్ ను నిర్వహించి తీరుతామని స్ప‌ష్టం చేశారు. పోలీసులు అనుమతిస్తే ఈ ప్ర‌ద‌ర్శ‌న‌ శాంతియుతంగా ఉంటుంద‌ని, ఒక‌వేళ వారు త‌మ ప‌ట్ల క‌ఠినంగా వ్య‌వ‌హ‌రిస్తే వారికి త‌గ్గట్లే తాము స్పందిస్తామ‌ని హెచ్చ‌రించారు.