తెలంగాణ సీఎం సహాయనిధికి కోరమాండల్ సంస్థ రూ.1 కోటి విరాళం

కరోనాపై పోరాడుతున్న తెలంగాణకు సాయంగా నిలిచేందుకు కోరమాండల్ ఫర్టిలైజర్స్ సంస్థ ముందుకొచ్చింది. కరోనా కట్టడి కోసం తెలంగాణ ప్రభుత్వం చేపడుతున్న కార్యక్రమాలకు అండగా నిలవాలని నిర్ణయించింది. ఈ క్రమంలో తెలంగాణ సీఎం సహాయనిధికి రూ.1 కోటి విరాళం ప్రకటించింది.

కోరమాండల్ ఫర్టిలైజర్స్ ఎండీ సమీర్ గోయల్, వైస్ ప్రెసిడెంట్ కె.సత్యనారాయణ ఇవాళ హైదరాబాదు ప్రగతి భనవ్ లో సీఎం కేసీఆర్ ను కలిశారు. తమ విరాళం తాలూకు చెక్ ను సీఎంకు అందజేశారు. ఈ సందర్భంగా సీఎం కేసీఆర్ వారిని అభినందించారు.