గ్రీన్ ఇండియా చాలెంజ్ ను స్వీకరించిన నాగబాబు

మెగాబ్రదర్ నాగబాబు గ్రీన్ ఇండియా చాలెంజ్ ను స్వీకరించారు. సినీ, టీవీ నటుడు చమ్మక్ చంద్ర విసిరిన చాలెంజ్ కు ఓకే చెప్పిన నాగబాబు... హైదరాబాదు మణికొండలోని తన నివాసంలో మొక్కలు నాటారు. అనంతరం ఈ చాలెంజ్ లో భాగంగా టీవీ నటులు భరణి, కలికిరాజ్ లను నామినేట్ చేశారు. ఈ చాలెంజ్ ను ప్రారంభించిన టీఆర్ఎస్ ఎంపీ సంతోష్ కుమార్ కు నాగబాబు ధన్యవాదాలు తెలిపారు. ఎంపీ సంతోష్ శ్రీకారం చుట్టిన గ్రీన్ ఇండియా చాలెంజ్ కు సినీ ప్రముఖుల నుంచి విపరీతమైన స్పందన వస్తోంది.