కాంగ్రెస్ పార్టీ నాయకత్వ బాధ్యత ఆయనదే: విజయశాంతి

కాంగ్రెస్ పార్టీకి రాహుల్ గాంధీయే నాయకత్వం వహించాలని, ఆయన మినహా మరెవరూ పార్టీకి నాయకత్వం వహించలేరని తెలంగాణ ప్రదేశ్ కాంగ్రెస్ ప్రచార కమిటీ చైర్మన్, సినీ నటి విజయశాంతి వ్యాఖ్యానించారు. ఈ మేరకు తన ట్విట్టర్ ఖాతాలో ఆమె ఓ ట్వీట్ పెట్టారు.

 "శతాబ్దానికి పైగా చరిత్ర కలిగిన కాంగ్రెస్ పార్టీకి గాంధీ కుటుంబం చేసిన సేవలు చిరస్మరణీయం. అయితే, పార్టీలో ప్రస్తుత పరిణామాలు త్వరలోనే ఒక కొలిక్కి వచ్చి పరిష్కారమవుతాయని... పటిష్ట నాయకత్వంతో పార్టీ ముందడుగు వేస్తుందని, ఆ బాధ్యత శ్రీ రాహుల్ గాంధీ గారు తీసుకుంటారని విశ్వసిస్తున్నాను" అని ఆమె అన్నారు.  కాగా, నిన్న జరిగిన కాంగ్రెస్ సీడబ్ల్యూసీ సమావేశం, పార్టీ భవిష్యత్ అధ్యక్షుడిపై ఎటువంటి నిర్ణయం తీసుకోకుండానే ముగిసిన సంగతి తెలిసిందే.