Amrutha: ప్రణయ్, అమృత కథతో ఇంకో సినిమా.. విడుదలకు సిద్ధం!

అమృత, ప్రణయ్, మారుతీరావుల కథాంశంతో వివాదాస్పద సినీ దర్శకుడు రామ్ గోపాల్ వర్మ 'మర్డర్' అనే సినిమాను తెరకెక్కించిన సంగతి తెలిసిందే. వర్మ నుంచి ఈ సినిమాకు సంబంధించిన ప్రకటన వెలువడగానే పెద్ద చర్చ మొదలైంది. వర్మపై అమృత తీవ్ర వ్యాఖ్యలు చేసినట్టు కూడా వార్తలు వచ్చాయి. అయితే, ఈ అంశంపై అమృత ఎలాటి వ్యాఖ్యలు చేయలేదని ఆమె మామయ్య చెప్పడం కూడా గమనార్హం. ఈ తరుణంలో మరో ఆసక్తికర విషయం వెలుగులోకి వచ్చింది.

ఇదే మిర్యాలగూడ పరువుహత్య కథాంశంగా ఇప్పటికే 'అన్నపూర్ణమ్మగారి మనవడు' పేరుతో ఓ చిత్రం తెరకెక్కింది. ఈ చిత్రంలో నటీనటులుగా అర్చన, బాలాదిత్య నటించగా.. అమృత తండ్రి మారుతీరావు పాత్రను బెనర్జీ పోషించారు. ఈ సినిమాను తెరకెక్కించిన దర్శకుడు నర్రా శివనాగేశ్వరరావు (శివనాగు) ఈ సందర్భంగా మాట్లాడుతూ, మారుతీరావు పాత్రలో బెనర్జీ అద్భుతంగా నటించారని కితాబిచ్చారు. ఈ చిత్రంలో జమున, అన్నపూర్ణ కీలక పాత్రలు పోషించారని చెప్పారు. నిర్మాత ఎంఎన్ఆర్ చౌదరి మాట్లాడుతూ కూతుర్ని తనకు కాకుండా చేశాడనే కోపంతో ఆమె భర్తను హతమార్చే సన్నివేశాలను దర్శకుడు అద్భుతంగా తెరకెక్కించాని ప్రశంసించారు.