Vinay Sharma: నిర్భయ దోషి వినయ్ శర్మ తలకు గాయమైంది.. కన్న తల్లిని కూడా గుర్తు పట్టడం లేదు: లాయర్

నిర్భయ దోషుల్లో ఒకడైన వినయ్ శర్మ జైలు గదిలోని గోడకు తలను బాదుకుని గాయపడిన సంగతి తెలిసిందే. మార్చ్ 3వ తేదీని దోషులకు ఉరితీతను అమలు చేయాల్సి ఉంది. ఈ నేపథ్యంలో శిక్షను వాయిదా వేయించడానికి దోషులు వరుసగా పలు ప్రయత్నాలు చేస్తున్న సంగతి తెలిసిందే. ఈ క్రమంలో వినయ్ శర్మ తనను తాను గాయపరుచుకున్నాడు. ఆదివారం మధ్యాహ్నం ఈ ఘటన చోటుచేసుకుంది. వెంటనే అలర్ట్ అయిన సెక్యూరిటీ సిబ్బంది అతన్ని అడ్డుకున్నారు. అనంతరం అతనికి చికిత్స అందించారు.

ఈ నేపథ్యంలో అతని తరపు లాయర్ మాట్లాడుతూ, వినయ్ శర్మ ఎవరినీ గుర్తు పట్టలేకపోతున్నాడని... కన్న తల్లిని కూడా గుర్తించలేదని చెప్పారు. ఇన్స్టిట్యూట్ ఆఫ్ హ్యూమన్ బిహేవియర్ అండ్ అల్లైడ్ సైన్సెస్ ఆసుపత్రికి వినయ్ ను రెఫర్ చేయాలని కోరారు.