విజయసాయిరెడ్డికి కేంద్ర మంత్రి పదవి?
- ఎన్టీయేలోకి వైసీపీ చేరబోతోందనే ప్రచారం
- వైసీపీకి రెండు కేంద్ర మంత్రి పదవులు దక్కే అవకాశం?
- విజయసాయికి నౌకాయానశాఖను అప్పగిస్తారని ప్రచారం
సీఎం జగన్ ఢిల్లీ పర్యటన నేపథ్యంలో ఏపీ రాజకీయాలు ఒక్కసారిగా మారిపోయాయి. ఎన్డీయేలోకి వైసీపీ చేరబోతోందని, ఈ విషయంపై మోదీతో చర్చించేందుకే జగన్ ఢిల్లీకి వెళ్లారంటూ ప్రచారం జరుగుతోంది. తాజాగా మరో ప్రచారం తెరపైకి వచ్చింది. వైసీపీకి రెండు లేదా మూడు మంత్రి పదవులు దక్కబోతున్నాయనేదే ఆ వార్త. వైసీపీకి ఒక కేబినెట్, ఒక సహాయ మంత్రి పదవి దక్కనున్నాయనే చర్చ కూడా జరుగుతోంది. పార్టీలో కీలక నేత అయిన విజయసాయిరెడ్డికి నౌకాయానశాఖను అప్పగిస్తారనే ప్రచారం ఊపందుకుంది. ఎస్సీ సామాజికవర్గానికి చెందిన అనురాధకు కేంద్ర సహాయ మంత్రి ఇవ్వచ్చనే చర్చ జరుగుతోంది.