మూడు భాషల్లో ఒకేసారి విడుదల కానున్న రానా కొత్త చిత్రం
- రానా హీరోగా 'హాథీ మేరే సాథీ'
- తెలుగులో 'అరణ్య', తమిళంలో 'కాదన్' గా వస్తున్న చిత్రం
- ఏప్రిల్ 2న రిలీజ్
ఆరడుగుల ఆజానుబాహుడు రానా దగ్గుబాటి నటిస్తున్న కొత్త చిత్రం 'హాథీ మేరే సాథీ'. తెలుగులో 'అరణ్య' పేరుతో, తమిళంలో 'కాదన్' గా వస్తోంది. ఈ వేసవిలో మూడు భాషల్లో ఒకేసారి రిలీజవుతోంది. హిందీ, తమిళం, తెలుగు భాషల్లో ఏప్రిల్ 2న రిలీజ్ చేస్తున్నారు. ఎరోస్ ఎంటర్టయిన్ మెంట్ బ్యానర్ పై రూపుదిద్దుకుంటున్న ఈ చిత్రానికి ప్రభు సాల్మన్ దర్శకుడు. ఇందులో జోయా హుస్సేన్, శ్రియా ల్గావ్ కర్, పులకిత్ సామ్రాట్ ఇతర పాత్రధారులు. తాజాగా 'హాథీ మేరే సాథీ' పోస్టర్ రిలీజ్ చేశారు. ఇందులో రానా గెటప్ విలక్షణంగా కనిపిస్తోంది.
