జూబ్లీహిల్స్‌లోని టాట్ పబ్‌పై దాడి.. పోలీసుల అదుపులో యువతులు
- రోడ్డు నంబరు 10లోని టాట్ పబ్‌పై దాడి
- అశ్లీల నృత్యాల సమాచారంతో ఏకకాలలో దాడిచేసిన పోలీసులు, ఎక్సైజ్ అధికారులు
- పోలీస్ స్టేషన్‌కు యువతుల తరలింపు
హైదరాబాద్, జూబ్లీహిల్స్‌లోని ఓ పబ్‌పై దాడి చేసిన పోలీసులు పలువురు యువతులను అదుపులోకి తీసుకున్నారు. రోడ్డు నంబరు 10లో ఉన్న టాట్ పబ్‌లో అశ్లీల నృత్యాలు జరుగుతున్నాయన్న సమాచారం అందుకున్న వెస్ట్‌జోన్ టాస్క్‌ఫోర్స్, జూబ్లీహిల్స్, బంజారాహిల్స్ పోలీసులతోపాటు ఎక్సైజ్ అధికారులు ఏకకాలంలో దాడి చేశారు. ఆ సమయంలో పబ్‌లో యువతీ యువకులు ఉన్నప్పటికీ అశ్లీల నృత్యాల జాడ కనిపించలేదని పోలీసులు తెలిపారు.
ఓ ప్రైవేటు సంస్థ ప్రత్యేకంగా పబ్‌లో ఈ కార్యక్రమాన్ని ఏర్పాటు చేసిందని గుర్తించిన పోలీసులు.. కార్యక్రమానికి వచ్చిన వారి వివరాలను వారి గుర్తింపు పత్రాలతో పోల్చి చూసినప్పుడు సరిపోలలేదు. దీంతో కొందరు యువతులను అదుపులోకి తీసుకుని జూబ్లీహిల్స్ పోలీస్ స్టేషన్‌కు తరలించారు.
ఓ ప్రైవేటు సంస్థ ప్రత్యేకంగా పబ్‌లో ఈ కార్యక్రమాన్ని ఏర్పాటు చేసిందని గుర్తించిన పోలీసులు.. కార్యక్రమానికి వచ్చిన వారి వివరాలను వారి గుర్తింపు పత్రాలతో పోల్చి చూసినప్పుడు సరిపోలలేదు. దీంతో కొందరు యువతులను అదుపులోకి తీసుకుని జూబ్లీహిల్స్ పోలీస్ స్టేషన్‌కు తరలించారు.
