ఒమన్ సుల్తాన్ ఖబూస్ కన్నుమూత.. వారసుడి ఎంపికపై ఆసక్తి
- పశ్చిమాసియా దేశాల్లో సుదీర్ఘ కాలం పరిపాలించిన నేత ఖబూస్
- ఒమన్ను ఆధునికత వైపు నడిపించిన సుల్తాన్
- పెద్దపేగు కేన్సర్తో మృతి
ఒమన్ని ఆధునికత వైపు నడిపించిన నేతగా పేరు తెచ్చుకున్న సుల్తాన్ ఖబూస్ అవివాహితుడు కావడంతో ఆయనకు వారసులు ఎవరూ లేరు. ఒమన్ రాజ్యాంగం ప్రకారం సుల్తాన్ పదవి ఖాళీ అయిన మూడు రోజుల్లోగా కొత్తవారు ఆ పదవిని స్వీకరించాలి.
రాయల్ ఫ్యామిలీ కౌన్సిల్లో ఉన్న సుమారు 50 మంది సభ్యులు మూడు రోజుల్లోగా కొత్త సుల్తాన్ను ఎన్నుకోవాల్సి ఉంది. లేదంటే రాజ కుటుంబాన్ని ఉద్దేశిస్తూ ఖబూస్ రాసిన లేఖలో పేర్కొన్న వ్యక్తిని సుల్తాన్గా నియమిస్తారు. దాదాపు 80 మంది పోటీలో ఉన్నట్లు, వారిలో అసద్ బిన్ తారిఖ్ అనే నేత పోటీలో ముందు వరసలో ఉన్నట్లు తెలుస్తోంది.
