తెలంగాణ లోకాయుక్తగా జస్టిస్ వెంకటరాములు.. హెచ్చార్సీ ఛైర్మన్ గా బి.చంద్రయ్య నియామకం

తెలంగాణ మానవ హక్కుల కమిషన్ ఛైర్మన్ గా బి.చంద్రయ్య నియామకం అయ్యారు. ఈ మేరకు గవర్నర్ తమిళిసై సౌందరరాజన్ ఉత్తర్వులు జారీచేశారు. మానవ హక్కుల కమిషన్ సభ్యులుగా ఎన్.ఆనందరావు, ఇర్ఫాన్ మొయినుద్దీన్ ను నియమించారు. ఈ నియామకాలకు సంబంధించి కమిటీ సిఫారసుల మేరకు వీరిని నియమించినట్లు గవర్నర్ తెలిపారు. కాగా, తెలంగాణ లోకాయుక్తగా జస్టిస్ వెంకటరాములు నియమితులయ్యారు. ఉపలోకాయుక్తగా నిరంజన్ రావును నియమిస్తూ తమిళిసై ఉత్తర్వులు జారీ చేశారు.