యువతి స్నానం చేస్తుండగా వీడియో చిత్రీకరణ.. గమనించి పోలీసులకు ఫిర్యాదు చేసిన బాధితురాలు

పక్కింటి యువతి స్నానం చేస్తుండగా కిటికీలోనుంచి వీడియో తీసేందుకు ప్రయత్నించిన యువకుడిని పోలీసులు అరెస్టు చేశారు. హైదరాబాద్ బంజారాహిల్స్ పోలీస్ స్టేషన్ పరిధిలో జరిగిన ఈ ఘటన వివరాలు..

బంజారాహిల్స్ రోడ్డు నంబరు 10లో నివసించే యూసుఫ్ ఫరూక్ (19) పొరుగింటిలో కొందరు యువతులు నివసిస్తున్నారు. వీరిలో ఓ యువతి నిన్న స్నానం చేసేందుకు బాత్ రూంలోకి వెళ్లింది. దీన్ని గుర్తించిన యూసుఫ్ బాత్ రూం కిటికీ వద్దకు వెళ్లి ఆమె స్నానం చేస్తున్న దృశ్యాలను వీడియో తీయాలని ప్రయత్నించాడు. దీన్ని గమనించిన ఆ యువతి వెంటనే అప్రమత్తమై 100 నంబరుకు డయిల్ చేసి పోలీసులకు ఫిర్యాదు చేసింది. ఫిర్యాదు అందిన నాలుగు నిమిషాల్లో ఘటనా స్థలికి చేరుకున్న పోలీసులు యూసుఫ్ ను అరెస్టు చేసి సెల్ ఫోన్ ను స్వాధీనం చేసుకున్నారు.