ఏం కష్టం వచ్చిందో... రైలుకింద పడి తల్లీ, ఇద్దరు కూతుర్లు ఆత్మహత్య

ఏం కష్టం వచ్చిందో...ఎందుకంత తీవ్ర నిర్ణయం తీసుకున్నారో...ఓ తల్లి తన ఇద్దరు కూతుర్లతో కలిసి రైలుకింద పడి ఆత్మహత్య చేసుకుంది. అనంతపురం జిల్లా కేంద్రం శివారులోని మరాఠీ కొట్టాల వద్ద ఈ ఘటన జరిగినట్లు పోలీసులు తెలిపారు. 

పాపం పేటకు చెందిన పోలేరమ్మకు దీప్తి, ఆర్తి ఇద్దరు కుమార్తెలు. ఈ రోజు ఉదయం ఇద్దరు కుమార్తెలను తీసుకుని మరాఠీ కొట్టాల వద్ద సంచరిస్తున్న పోలేరమ్మను స్థానికులు కొందరు గమనించారు. ఇంతలో ఓ రైలు వస్తుండగా కుమార్తెలతోపాటు తను కూడా రైలు ఎదురుగా వెళ్లడంతో ముగ్గురు అక్కడికక్కడే దుర్మరణం పాలయ్యారు. సమాచారం అందుకున్న పోలీసులు ఘటనా స్థలిని సందర్శించి మృతదేహాలను స్వాధీనం చేసుకున్నారు. వీరి ఆత్మహత్యకు కారణాలు తెలియరాలేదు. పోలీసులు కేసు దర్యాప్తు చేస్తున్నారు.