సినిమా కబుర్లు.. సంక్షిప్త సమాచారం
- మరో హిందీ సినిమాలో రకుల్
- ద్విపాత్రాభినయం చేస్తున్న రాజశేఖర్
- రవితేజ 'క్రాక్' మొదలైంది
* తెలుగు, తమిళ భాషల్లో అవకాశాలు తగ్గడంతో బాలీవుడ్ పై దృష్టి పెట్టిన కథానాయిక రకుల్ ప్రీత్ సింగ్ తాజాగా మరో చిత్రానికి సంతకం చేసింది. జాన్ అబ్రహాం హీరోగా నటించే 'ఎటాక్' చిత్రంలో ఓ నాయికగా ఆమె నటిస్తోంది.
* ఇటీవల వచ్చిన 'కల్కి' చిత్రంలో పోలీసాఫీసర్ పాత్రలో నటించిన డా.రాజశేఖర్ త్వరలో ఓ చిత్రంలో ద్విపాత్రాభినయం చేయనున్నారు. సీనియర్ నిర్మాత రమేశ్ ప్రసాద్ నిర్మించే చిత్రంలో లాయర్ గా, ప్రొఫెసర్ గా రెండు విభిన్నమైన పాత్రలను ఆయన పోషించనున్నారు.
* రవితేజ నటిస్తున్న తాజా చిత్రం 'క్రాక్' రెగ్యులర్ షూటింగ్ నిన్నటి నుంచి హైదరాబాద్, రామోజీ ఫిలిం సిటీలో జరుగుతోంది. రవితేజ, శ్రుతి హాసన్ జంటపై ముఖ్య సన్నివేశాలను దర్శకుడు గోపీచంద్ మలినేని ప్రస్తుతం చిత్రీకరిస్తున్నారు.
