అఫ్గనిస్థాన్ లో 14 మంది తాలిబన్ ఉగ్రవాదుల హతం

అఫ్గనిస్థాన్ లో తాలిబన్ ఉగ్రవాదులకు ఎదురు దెబ్బ తగిలింది. నిన్నరాత్రి ఉత్తర కుందుజ్ ప్రావిన్స్ లో అఫ్గనిస్తాన్ వైమానిక దళాలు జరిపిన దాడుల్లో 14 మంది తాలిబన్ ఉగ్రవాదులు హతమయ్యారు. వీరిలో ఓ తాలిబన్ కమాండర్ ఉన్నాడని పోలీసులు తెలిపారు. దేశంలో తాలిబన్ ఉగ్రవాదులు తమ ప్రాబల్యాన్ని విస్తరించుకునేందుకు ప్రయత్నిస్తున్నాయని పేర్కొన్నారు.

ఈ నేపథ్యంలో భద్రతా బలగాలు వారిపై నిఘా పెట్టాయన్నారు. ఉత్తర కుందుజ్ రాష్ట్రంలో తాలిబన్ల ఉనికిని పసిగట్టే, వైమానిక దళాలు దాడికి దిగాయన్నారు. ఈ దాడిలో స్థానిక తాలిబన్ కమాండర్ అకా హమ్జా సహా అతని అనుచరులు మృతి చెందారని పోలీసులు వెల్లడించారు. కాగా వైమానిక దాడికి సంబంధించి.. తమకు జరిగిన నష్టానికి సంబంధించి.. తాలిబన్ నుంచి ఇప్పటివరకు ఎటువంటి ప్రకటన వెలువడలేదని చెప్పారు.