టీమిండియా సారథి కోహ్లీ ఖాతాలో మరో రికార్డు

టీమిండియా సారథి విరాట్ కోహ్లీ ఖాతాలో మరో రికార్డు వచ్చి చేరింది. ప్రపంచకప్‌లో భాగంగా శనివారం శ్రీలంకతో జరిగిన మ్యాచ్‌లో భారత్ విజయం సాధించింది. ఈ మ్యాచ్‌లో 34 పరుగులతో నాటౌట్‌గా నిలిచిన కోహ్లీ.. ప్రపంచకప్‌లో వెయ్యి పరుగులు సాధించిన మూడో ఇండియన్‌గా చరిత్రకెక్కాడు. గతంలో సచిన్ టెండూల్కర్, సౌరవ్ గంగూలీలు ఈ ఘనత సాధించారు. ఈ మ్యాచ్‌లో ఐదు పరుగులు సాధించిన వెంటనే కోహ్లీ ఖాతాలో వెయ్యి పరుగులు చేరాయి. ప్రపంచకప్‌లో సచిన్ 2,278 పరుగులు చేయగా, గంగూలీ 1,006 పరుగులు చేశాడు. ఇప్పుడు వీరి సరసన కోహ్లీ చేరాడు.